Home ताजा समाचार आई.टी.आई./डिप्लोमा करइया विद्यार्थी मन ल मिल ही स्मारट फोन

आई.टी.आई./डिप्लोमा करइया विद्यार्थी मन ल मिल ही स्मारट फोन

20
0

रायपुर। छत्तीसगढ़ संचार क्रांति योजना (स्काई) के विस्तार करत हुए मुख्यमंत्री रमन सिंह ह कालेज के छात्र मन के संग आई.टी.आई./डिप्लोमा करइया विद्यार्था मन ल घलोक ये योजना म स्मारट फोन दे के घोसना करिन हे।
मुख्यमंत्री रमन सिंह ह छत्तीसगढ़ संचार क्रांति योजना (स्काई) के समीक्षा बइठक म कहिन कि राज्य के कॉलेज मन म अध्ययनरत समस्त नियमित विद्यार्थी मन ल ये योजना के प्रथम चरण़ म शामिल करत हुए उमन ल स्मारट फोन दे जाही। सीएम ह अधिकारी मन ल जुलाई 2018 के मध्य म पूरा छत्तीसगढ़ म मोबाइल तिहार मनाय के घलोक निरदेस दे हे।
अधिकारी मन के बइठक म बताय गेहे कि वरतमान सत्र म अंतिम बछर म अध्ययन करइया विद्यार्था मन ल योजना के लाभ नइ मिलत रहिस हे। काबर कि अइसे विद्यार्थी आघू सत्र म स्नातकोत्तर म प्रवेस प्राप्त कर योजना के लाभारथी बन सकत रिहिन हे। लेकिन मुख्यमंत्री रमन सिंह ह जम्मो नियमित विद्यार्था मन ल स्मारट फोन वितरित करे दे निरदेस दिस हे।
येकर संगं संग आई.टी.आई./डिप्लोमा करइया विद्यार्थी मन ल घलोक स्काई योजना के प्रथम फेज म सामिल कर हाउसहोल्ड स्मार्टफोन वितरित करे के के निरनय ले गेहे। येकर ले कुल हितग्राही विद्यार्थी मन के संख्या लगभग 5 लाख हो जाही। नवा प्रवेश प्राप्त करइया विद्यार्थिी मन ल मार्च 2019 के बाद अउ अन्य सबो विद्यार्थी मन सितबंर 2018 ले पहिली स्मारट फोन के वितरण करे जाही।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.