Home ताजा समाचार हड़ताली नर्स मन उपर राज्य सरकार के सख्ती…स्वास्थ्य संचालक के संग मीटिंग...

हड़ताली नर्स मन उपर राज्य सरकार के सख्ती…स्वास्थ्य संचालक के संग मीटिंग बेनतीजा

22
0

रायपुर। छत्तीसगढ़ म हड़ताल पर बइठे नर्स मन के स्वास्थ्य संचालक के संग मीटिंग बेनतीजा समाप्त होगे। । स्वास्थ संचालक ह बातचीत के दौरान नर्स संघ के प्रतिनिधि मन ले जल्दी हड़ताल ल वापस ले बर कहिन, उहे नर्स संघ ह कहिन कि स्वास्थ्य संचालक ह धमकात रहिस हे।
बता दन कि राज्य सरकार हड़ताली नर्स मन उपर सख्ती बरते के मूड म हे। एस्मा लगाए के बावजूद हड़ताल म डटे नर्स मन ल पुलिस गिरफ्तार करे पहुंच हिस। येती पुलिस के कहिना हे कि गिरफ्तार करे बर नइ गे रेहेन, हमन ह सरकारी आदेश के प्रति चस्पा करे बर आय हन। उहें स्वास्थ्य संचालक ले बात कराय बर संघ के नेता मन ल पुलिस अपन संग लेगे रिहिस हे।
गौरतलब हे कि प्रदेश के सरकारी अस्पताल मन के तीन हजार ले जादा नर्स मन बीते 18 मई ले हड़ताल म हे। राज्य शासन ह इंखर हड़ताल ल असंवैधानिक करार देत हुए एस्मा लगा दे हे। स्वास्थ्य विभाग ह कहिन कि नर्स मन के हड़ताल अति आवश्यक सेवा म बाधक हे। ये ह छत्तीसगढ़ अतिआवश्यक सेवा संधारण अधिनियम के उल्लंघन हे, येकर बर एस्मा लगाय गे हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.