Home ताजा समाचार हड़ताल म बैठे 1000 नर्स मन ल पुलिस ह करिस गिरफ्तार

हड़ताल म बैठे 1000 नर्स मन ल पुलिस ह करिस गिरफ्तार

39
0

रायपुर। अपन मांग मन ल लेके हड़ताल म बइठे नर्स मन के मुश्किल बढ़ गेहे। आज राम मंदिर के तीर 1000 नलर्स मन ल पुलिस ह गिरफ्तार कर लिस हे। सरकार के लाख कोशिश के बाद नर्स मन काम म लउटे बर तइयार नइए। येती , हड़ताल के कारण राज्य के स्वास्थ्य व्यवस्था चरमरा गे हे।
नर्स मन के कहिना हे वो ह इहां ले अपन मांग पूरा होय नइ हटय। पुलिस चाहे तो उमन ल गिरफ्तार कर सकत हे। हमन चोरी नइ करे हन अउ ना ही कुछु गलत काम करे हन। अइसे म हमन चोर मन के तरह ले छिपके नइ भागन। सबो एक संघरा हवन। पुलिस मन ह जेल भरो आंदोलन करही त जेल म घलोक आंदोलन जारी रखे जाही।
पुलिस ह आज बिहनिया 11 बजे राम मंदिर के पास करीबन 1000 नर्स मन ल पकड़िस हे। पुलिस न पूरा इलाक म धारा 144 लगा दीस हे। येकर बाद कोनो तरह के जुलूस, प्रदर्शन अउ धरना म प्रतिबंध लगा देय हे। नर्स मन ल धरना स्थल तक जाय बर रोके बर बैरिगेट लगा दिए गेहे।
गुरूवार केनर्स मन के खिलाफ एफआईआर दर्ज
राज्य सरकार के ओर ले 28 मई के रात हड़ताली नर्स मन उपर एस्मा लगा दिये गेहे। येकर बाद सबो नर्स मन ल काम म लउटे बर कहे गेहे। जेमा कुछु नर्स मन काम म चले गिस, लेकिन ज्यादातर मन ह हटे ले मना कर दिस। येकर बाद सीएमएचओ के ओर ले गुरूवार के नर्स मन के खिलाफ एफआईआर दर्ज करा दे गिस हे। आजाद थाना म दर्ज कराये गे एफआईआर म पांच नर्स मन नामजद अउ अन्य के खिलाफ हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.