Home ताजा समाचार सिक्छाकर्मी मन के संविलियन के ऐलान

सिक्छाकर्मी मन के संविलियन के ऐलान

22
0

रायपुर। सिक्छाकर्मी मन बर बहुत बड़े खुसखबरी हे। उमन के कई बछर के इंतजार खत्म हो गेहे। मुख्यमंत्री रमन सिंह ह अंबिकापुर म विकास यात्रा के दउरान आयोजित सभा म बीजेपी के राष्ट्रीय अध्यक्ष अमित शाह के मवजूदगी म सिक्छाकर्मी मन के संविलियन के ऐलान करिन हे।
सभा स्थल म जनता मन ल संबोधित करत हुए सीएम रमन सिंह ह कहिन कि ये स्वागत ले आप सबों मन ह इतिहास रच देव। मंच ले सीएम रमन सिंह ह घोसना करिन कि सिक्छाकर्मी मन के संविलयन करे जाही। येला लेके जल्द कैबिनेट के बैठक म मुहर लगही। ये तरह ले छत्तीसगढ़ म 1 लाख 80 हजार सिक्छाकर्मी मन के संविलियन के रास्ता साफ होगे हे। सिंह ह कहिन कि शैक्षणिक गुणवत्ता म सुधार लाय के पीछु प्रदेश के सिक्छाकर्मी मन के बड़े भूमिका रिहिस हे। बता दन कि पीछु दिन मनसिक्छाकर्मी मन के मांग मन म विस्तृत अध्ययन करे बर सरकार ह मुख्य सचिव के अध्यक्षता म हाईपावर कमेटी गठित करे रिहिन हे। येकर रिपोर्ट 8 जून के सरकार ल मिल गिस हे। रिपोर्ट के अध्ययन के बाद सरकार ह सिक्छाकर्मी मन के संविलियन ल हरी झंडी दे दीस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.