Home विशेष फ्रांस के धरती म फुटबाल ल किक लगाही दू आदिवासी छात्रा मन

फ्रांस के धरती म फुटबाल ल किक लगाही दू आदिवासी छात्रा मन

7
0

दंतेवाड़ा । जिला म रामाराम सोढ़ी के बाद अब दू आदिवासी छात्रा म घलोक फ्रांस के धरती म फुटबाल के किक लगाही। उंखर चयन स्पोर्ट एक्सजेंच प्रोग्राम म होइस हे। दूनों छात्रा मन जिला ल लेके राष्ट्रीय स्तर के खेल स्पर्धा म अपन जलवा दिख चुके हे। विगत दिन कलेक्टर सौरभ कुमार ह उमन ल सुभकामना देवत हुए खेल किट भेंट करिन।
जिला के कारली म टूमौरोज फाउंडेशन के दू छात्रा 21 जून के फ्रांस के फुटबाल मइदान म अपन खेल प्रदर्सन करही। जिला ल लेके राष्ट्रीय स्तर के खेल स्पर्धा मन म बढ़िया प्रदर्सन करे म उंखर चयन स्पोर्ट एक्सचेंज प्रोग्राम के तहत होइस हे। स्पोर्ट ला विजा फ्रांस म आयोजित फुटबाल स्पर्धा म पेरिस के कोनो क्लब के ओर ल खेलही।
ये महिला खिलाड़ी जिलेा के मोफलनार के रहइया दिशा कर्मा अउ नीलावरम अतकारीरास (सुकमा) के बसंती कश्यप हे। दूनों छात्रा मन के पिता के मउत के बाद एनजीओ टूमौरोज फाउंडेशन के छात्रावास म रहिके बरस 2010 ले पढ़ाई करत हे। दूनों ही गरीब परिवार के आदिवासी छात्राएं हे अउ पिता के मउत के बाद रिश्तेदार मन के इहां पले-बढ़ीस। कोनो माध्यम ले 2010 म फाउंडेशन के संपर्क म आके पढ़ाई के साथ फुटबाल घलो खेलत हे।
बताय गिस हे कि छात्रा मन 2011 म जिला स्तरीय अउ 2012 म राज्य स्तरीय स्पर्धा म हिस्सा लिस। ये दउरान झारखंड, दुर्ग म बेहतर प्रदर्सन करिन। तब राज्य अउ राष्ट्रीय स्तर बर चयन होइस अउ असम घलोक खेलिस हे। बरस 2017 म दिल्ली म आयोजित स्पर्धा म हिस्सा लिस।
इही खेल के दउरान उंखर चयन फ्रांस बर होइस हे। विगत दिन कलेक्टोरेट पहुंचे छात्रा मन ल कलेक्टर सौरभ कुमार ह सुभकामना देवत हुए खेल किट भेंट करिन। संगे संग उंखर हौंसला बढ़ात शिक्षा अउ खेल म हरसंभव मदद करे के आस्वासन दिस। ज्ञात हो कि जिला के मोखपाल निवासी एक अउ आदिवासी छात्र रामराम सोढ़ी के घलोक चयन फ्रांस म फुटबाल खेले बर होय हे। रामाराम घलो टूमौरोज फाउंडेशन के छात्र हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.