Home ताजा समाचार मैं जब-जब छत्तीसगढ़ आथवं, तब-तब इहां नवा-नवा काम-बुता, देख बर मिलथे

मैं जब-जब छत्तीसगढ़ आथवं, तब-तब इहां नवा-नवा काम-बुता, देख बर मिलथे

23
0

रायपुर । प्रधानमंत्री नरेन्द्र मोदी ह छत्तीसगढ़ के संक्षिप्त प्रवास के दउरान भिलाई नगर के विशाल आमसभा म अपन भाषण के सुरूआत छत्तीसगढ़ी म करिन। उमन ह ‘जय जोहार’ कही के जनता के अभिवादन अउ अभिनंदन करिन। प्रधानमंत्री ह छत्तीसगढ़ी म ही अपन भाषण के समापन घलो करिन।
प्रधानमंत्री मोदी ह उद्बोधन के प्रारंभ म जनता के अभिनंदन करत हुए कहीन कि -दाई, दीदी, सियान, जवान, संगी, जहुरिया अउ नोनी-बाबू मन ला जय जोहार। भिलाई स्टील प्लांट छत्तीसगढ़ महतारी के कोरा के अनमोल रतन हे। ये ह छत्तीसगढ़ महतारी के परताप के चिन्हारी हे। उमन ह भासन के अंत म कहीन कि – मैं जब-जब छत्तीसगढ़ आथवं, तब-तब इहां नवा-नवा काम-बुता, देख बर मिलथे। इही कारण ले इहां के विकास होवत हे। प्रधानमंत्री मोदी ह कहीन कि नवा छत्तीसगढ़ वरस 2022 के पहिल नवा भारत के मार्ग प्रशस्त करही। प्रधानमंत्री ह जनता ल बताइस कि केन्द्र सरकार ह देश के स्वतंत्रता संग्राम म अपन प्राण मन के आहुति देवइया आदिवासी स्वतंत्रता संग्राम सेनानी मन के सम्मान म हर राज्य म संग्रहालय बनाय के निर्णय लिस हे। उमन ह भिलाई म हुए आत्मीय सम्मान के उल्लेख करत हुए कहिन कि इहां देश के हर राज्य के संस्कृति के दर्शन होइस हे। एक लघु भारत देखे ल मिलस हे। देश के एकता के दृश्य मैं ह देखेव। भिलाई नगर के अउ आप सब के आभार हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.