Home ताजा समाचार कल शपथ लेही दो महिला समेत 4 नवा अतिरिक्त जज मन

कल शपथ लेही दो महिला समेत 4 नवा अतिरिक्त जज मन

17
0

रायपुर। बिलासपुर हाईकोरट के नवनियुक्त 4 एडिशनल जज सोमवार के शपथ लेही। हाईकोरट म पहली बार महिला जज के नियुक्ति करे गिस हे। चीफ जस्टिस टी. बी. राधाकृष्णन के कोरट हॉल नंबर 1 म बिहनिया 10:30 बजे शपथ ग्रहण समारोह के आयोजन करे गेहे।
मालूम हो के छत्तीसगढ़ हाईकोरट म स्थापना के बाद ले ही जज मन के कमी बने हुए हे। सेटअप के स्वीकृति 17 स्थाई अउ 5 एडिशनल जज समेत 22 पद के हे, लेकिन सबों पद मन म नियुक्ति आज तक ले नइ हो सकीस हे। वर्तमान म चीफ जस्टिस समेत 12 झन जज कार्य करत हे। अब 4 नवां जज मन के नियुक्ति के बाद पहिली बार 16 झन जज एक संघरा कार्यरत होही। येकर बाउजूद 6 पद रिक्त रहही।
बहरहाल, पीछु के 4 महीना ले चारों जज मन के नियुक्ति के मामला लटका हुए रिहिस हे। अब राष्ट्रपति भवन ले चारों के नाम म मुहर लगे के संग ही स्पेलिंग मंगाए गे हे। येखर सेती बीते शुक्रवार के राज्य शासन ह चारों नाम मन के स्पेलिंग राष्ट्रपति कार्यालय भेज दिये गेहे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.