Home ताजा समाचार मुंगेली म इंडोर स्टेडियम बन गेहे गोदाम

मुंगेली म इंडोर स्टेडियम बन गेहे गोदाम

20
0

नवनीत शुक्ला /मुंगेली । साहेब जेन स्टेडियम हर खेले बर हे ओला उहि उपयोग बर रहन दव ओला गोदाम झन बनावव । ये गोहर मुंगेली के खेलाड़ी मन ह लगाइस हे।
दरअसल, मुंगेली म लाखों के खर्चा कर बने इंडोर स्टेडियम ल सरम बेभाग ह गोदाम के रूप म उपयोग करत हे । जबकि प्रदेस सरकार ह खेल सुविधा के नाव अउ खिलाड़ी मन ल प्रोत्साहित करें बर लाखों के खर्चा करत हे । ताकि खेलाड़ी मन अपन प्रतिभा ल दिखा सकय अउ प्रदेस के नाम ल बढाये । पर जिला मुख्यालय म एखर उल्टा होत हे । बनाय गेहे खेलाडी मन बर अउ श्रम विभाग ह छात्रा मन ल बांटे जाने वाला सायकल ल रख के गोदाम के रूप म उपयोग करत हे । ये काज ल दूसर जगा करे जा सकत हे । ए ममला म सबले बड़ बात ये हवय के नगरपालिका ह चुपचाप खड़े तमासा देखत हे । जेखर बजह ले शिवजी वार्ड म बने इंडोर स्टेडियम खेलाड़ी मन के खेले के जगा मुख्यमंत्री सायकल योजना के गोदाम बन के रहिगे हे । अब सिर्फ कलेक्टर साहेब ले ही उम्मीद रही गेहे के वो ह खेलाड़ी मन के भावना ल समझय अउ स्टेडियम ल गोदाम बनय ल बचावय ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.