Home ताजा समाचार देवभोग के 30 स्कूल के पानी म फ्लोराइड अउ 8 म आयरन...

देवभोग के 30 स्कूल के पानी म फ्लोराइड अउ 8 म आयरन के मात्रा जादा

10
0

गरियाबंद। पीएचई बेभाग के एक सैंपल रिपोर्ट ले जिला प्रसासन म हडकंप मच गे हे। बिभाग ह देवभोग बिकासखंड के 64 स्कूल म लगे बोरिंग (हैंडपंप) के पानी के सैंपल के रिपोर्ट सउपिस हे। जेमा 30 स्कूल म लगे बोरिंग के पानी म फ्लोराईड अऊ 8 स्कूल के पानी म आयरन के मात्रा जादा पाए गिस। उहें अगर ओ स्कूल म पढ़इया लइका मन के स्वास्थ्य के बात करे जाए त एक चौथाई लइका मन के दांत खराब हो गए हे। संग ही ज्यादातर लइका मन के हड्डी घलो कमजोर हो गए हे। जउन 38 स्कूल के रिपोर्ट आगु आइस हे ओ जम्मो गांव म लगे बोरिंग के पानी घलो पीए लायक नइ हे। ग्रामीन मन के माने त खाना बनाए बर ओमन नदिया के पानी के उपयोग करथें। फेर सिक्षा बिभाग ह स्कूल म साफ पानी के ब्यवस्था करे बर संबंधित स्कूल म RO लगाए के बात कहत हे।