Home ताजा समाचार खाद्यान्न उत्पादन म अग्रणी राज्य बनिस छत्तीसगढ़ ह

खाद्यान्न उत्पादन म अग्रणी राज्य बनिस छत्तीसगढ़ ह

17
0

रायपुर । कृसी के क्षेत्र म उत्कृष्ट कार्य करे म एक बार फेर छत्तीसगढ़ प्रदेस सम्मानित होही। ये बार य सम्मान खाद्यान उत्पादन म अग्रणी राज्य होय म प्राप्त होही। आज 23 जून 2018 के पूसा नई दिल्ली म इंडिया टुडे ग्रुप के इंडिया टुडे एग्रो समिट एवं अवार्ड समारोह म केंद्रीय कृषि अउ किसान कल्याण मंत्री राधामोहन सिंह के हाथ मन ले ये अवार्ड छत्तीसगढ़ प्रदेश के कृषि अउ सिंचाई मंत्री बृजमोहन अग्रवाल ग्रहन करही। ये अवसर म अग्रवाल राज्य के कृषि ले जुड़े सक्सेस स्टोरी घलो उपस्थितजन मन के संग संघरा साझा करही।
ये संबंध बृजमोहन अग्रवाल ह कहिन के कृषि के क्षेत्र म हमार छत्तीसगढ़ ह निरंतर प्रगति के पथ म आघू बढ़त जात हे। रोजो नवां योजना मन क संग गांव,गरीब अउ किसान मन बर हमन काम करत हवन। मेहनतकस किसान मन के अथक मेहनत के ही परिनाम हे कि खाद्यान्न उत्पादन म अग्रणी राज्य के अवार्ड छत्तीसगढ़ ल प्राप्त होवत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.