Home ताजा समाचार बाल मजदूरी म फंसत जात हे बचपन

बाल मजदूरी म फंसत जात हे बचपन

27
0

नवनीत शुक्ला, मुंगेली । एक कोती सरकार ह लइका मन ल स्कूल भेजे बर योजना बनात हे ।  दूसर कोती कई लइका मन अइसन हे  जेला स्कूल त दूर दू जून के खाना तक नसीब नई होवय । अपन गरीबी ले तंग आके लइकन के माँ बाप मन अपन लइका मन ल काम कराए बर मजबूर रहिथे । ये हमर शासन तंत्र म कठोर प्रहार हे कि सरकार के कतको योजना हे पर फिर भी लोगन या तव जिये खाये बर बाहिर जाथे नही तव अपन लइका मन ल खेले कूदे के दिन म दूसर घर काम कराथे । जहाँ लइका मन ला मारपीट करे जाथे अउ कई घर म खाना तक नई मिलय । आज होटल, दुकान , चाय दुकान म लइका मन काम करत थे जेखर कई उदाहरण देखे बर मिलथे ये सब मामला म विभाग के लापरवाही सामने आते थे कि विभाग ह ये सब ल रोके बर का कदम उठाते हे । अभी हाल ही म घटना घटिस जेमा 1 नाबालिग लइका शाम कन रोवत मिलिस जेला आबकारी विभाग के अधिकारी ह कंट्रोल रूम म सूचना दे के थाना भेजे रहिस जहाँ ले लइका ल सखि वन सेंटर म भेजे गिस । ओर जहां सरकार ह बड़े बड़े दावा करत हे । वही दूसर ओर ये घटना ह सरकारी तंत्र के पोल खोलत हे।
शासन ह 31 जून तक राशन कार्ड म आधार कार्ड लिंक करे के आखरी तारिक रखे हे अउ अभी तक लगभग 1100 लोगन मन आधार कार्ड लिंक करे बर बाचे हे ये बात ल साफ जाहिर करथे की लोगन ह अपन जगह ल छोड़ के बाहिर कमाए खाये जावत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.