Home ताजा समाचार ठेकेदार ले जिहां सहूलियत होइस उहां बना दीस नाली

ठेकेदार ले जिहां सहूलियत होइस उहां बना दीस नाली

24
0

मुंगेली । दाऊपारा ले गीधा तक सड़क के अगल-बगल म कछुआ चाल म बनाय जात नाली के गुणवत्ता म ठेकेदार ह कभु धियान नइ दिस। आस्चर्यजनक पर सत्य हे के निर्माण एजेंसी प्रारंभ ले जे तरीका ले नाली निर्माण के काम करे हे, ओखर कोनो औचित्य घलोक नइए।
नाली निर्माण म ठेकेदार ल जिहां सहूलियत होइस हे उहें नाली निर्माण कर दिस हे। जबकि नाली बनने वाला जगा म म नाली नइ बनाय गिस हे। ठेकेदार के अइसन अड़ियल रवैय्या के चलत लगभग दस बारह मीटर नाली धर्रासायी हो गेहे। येकर कारण भरे बरसात के दउरान घलो बेवजह आम लोगन ल परेसानी उठाय बर पड़ही। पूर्व म लोक निर्माण विभाग, कलेक्टर जनदर्शन समेत कतको जगा ये नाली निर्माण के शिकायत होइस हे, लेकिन कार्यवाही म नतीजा सिफर ही रिहिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.