Home ताजा समाचार ये तरह ले 1 लाख 52 हजार सिक्छाकर्मी संविलियन ले होगे बाहिर

ये तरह ले 1 लाख 52 हजार सिक्छाकर्मी संविलियन ले होगे बाहिर

13
0

रायपुर । संविलियन म 8 बछर के सेवा अवधि पूरा करइया सिक्छाकर्मी वर्ग-3 मन के वरिष्ठता ल शून्य करे ले उमन ह नाराज हो गेहे । अब करीबन एक लाख 24 हजार सिक्छाकर्मी मन ह अब कालीपट्टी लगाके स्कूल मन म ड्यूटी करही।
सिक्छाकर्मी मन ह संविलियन के निरनय म अनेक विसंगति के आरोप लगात हुए कहिन के येमा सबले बड़े विसंगति 8 बछर के सेवाअवधि पूरा करना हे। ये निरनय ले प्रदेस के 1 लाख 24 हजार सिक्छाकर्मी वर्ग-03 अउ 8 बछर ले कम सेवा अवधि वाले करीब 30 हजार सिक्छाकर्मी प्रभावित होवत हे। ये तरह 1 लाख 52 हजार सिक्छाकर्मी संविलियन ले बाहिर होगे हे। लिहाजा राज्य सरकार ल अपन विरोध दर्ज कराय बर अब सबो सिक्छाकर्मी मन ह पूरा मानसून सत्र के दउरान काली पट्टी लगाके स्कूल मन म अपन सेवाएं देही।
छत्तीसगढ़ सिक्छाकर्मी वर्ग-3 संघर्ष मोर्चा अउ 8 से कम संघर्ष समिति के प्रांतीय संयोजक, सदस्य अउ प्रांतीय कार्यकारिनी टीम के समस्त सदस्य मन सर्व सम्मति ले निरनय पारित करत हुए संयुक्त बयान जारी करके बताइन के सरकार ह उंखर मन के संग छल करे हे। 2013 ले राज्य शासन ह क्रमोन्नति वेतन ल भूतलक्षी प्रभाव से मूलत: निरस्त कर दे हे। उमन ल पूरा उम्मीद रिहिस हे के संविलियन अउ सातवां वेतनमान ल क्रमोन्नति समेत दे जाही, लेकिन अइसे नइ होइस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.