Home ताजा समाचार सांवलाराम के ये बात म लगिस खूब ठहाके

सांवलाराम के ये बात म लगिस खूब ठहाके

11
0

रायपुर। विधानसभा के 5 वें अउ अंतिम दिन की कार्यवाही जारी। अउ प्रश्नकाल म विधायक मन के सवाल मन के जवाब सरकार देवत हे। इही दउरान पट्टा ल लेके नेता प्रतिपक्ष ह राजस्व मंत्री प्रेम प्रकाश पांडेय ल घेरिन। उहें सरकार ह घलो अपन पक्ष दमदारी ले रखिस।
छत्तीसगढ़ विधानसभा के मानसून सत्र के दउरान शुक्रवार के भाजपा विधायक सांवलाराम डहारे के कथन म सदन म खूब ठहाके लगिस हे। दरअसल बीजेपी के सदस्य राजमहन्त सांवलाराम डाहरे ह दुर्ग जिला म भू-अर्जन के प्रकरन मन के जानकारी मांगिस। मंत्री प्रेम प्रकाश पांडेय ह जब संख्या निरंक बताइस त डाहरे ह कहिन के रोड निरमना के दउरान 97 किसान प्रभावित होय हे। मुआवजा के प्रकरन कलेक्टर कार्यालय म लंबित हे। आघू कहिन के अन्य मामला म 22 किसान मुआवजा बर भटक हे। अइसे म मामला म निरंक कहिना अनुचित हे। मंत्री ह कहिन के आपसी सहमति ले भूमि ले गेहे अउ रजिस्ट्री के बाद उमन ल पइसा मिल जाही। मंत्री पांडेय द्वारा ये मामला म एक तरीका ले घूमा-घूमा कर जवाब देय ले डाहरे ह कहिन के महाराज घुमावत हस , ये ला सुनके सदन म ठहाके लगे लगिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.