Home ताजा समाचार अब लोक निरमान बेभाग के जानकारी ठेकेदार मन दे ही

अब लोक निरमान बेभाग के जानकारी ठेकेदार मन दे ही

15
0

नवनीत शुक्ला, मुंगेली। ” जब बेभाग के जुम्मेदार अधिकारी मन ह कहही के ये काम के जानकारी ठेकेदार मन ह देही त बेभाग के की हाल हो ही ये भगवान ही जानही।” ये बात होवत हे मुंगेली के लोकनिर्माण बेभाग के।
सड़क निरमान म लोक निर्माण विभाग के अधिकारी मन ले जब पूछे गिस त सम्बन्धित अधिकारी के ये कहिन रहिस के ये जानकारी या त डिवीजन आफिस देही या जेन ठेकेदार काम करत हे उमन ह। जब बेभाग के मुखिया के अइसना जवाब हे त ओखर बाकी कर्मचारी मन के का हाल होही ये चिन्ता के बात हे। मुंगेली ले बिलासपुर ल जोड़इया सड़क अपन निरमान अवधि के बाद घलो नइ बन पाइस हे । तेकर कारण ठेकेदार के समय अवधि ल बढ़ाय गे रिहिस हे । ओखर बाद ले आज तक गीधा पूल के पास आज घलो काम चलत दिख जाथे। जेन हमर जिला के मुखिया के फटकार के बाद आज चलत हे। लकर धकर म सड़क के बीच म जेन डिवाइडर बनाय गे हे, वो मा पउधा लगना हे। वो ह घलो आधा अधूरा ही बने हे । डिवाइडर तक म जमके नियम के उल्लंघन करे गे हे । न त डिवाइडर म सही ढंग ले रेडियम कटिंग लगाय गे हे अउ न ही दू डिवाइडर के बीच म सड़क क्रासिंग बर कुछु दिसा सूचक लगे हे। जेखर उदाहरण एलआईसी आफिस के आघू बने डिवाइडर के हे । अउ कोनो कोनो मेर लगे हे त वो सिरफ खानापूर्ति बर लगाए गे हे। जेन घलो आधा अधूरा हे। लगत हे के उद्यानकी बेभाग ह कोनो नवां किसम के पउधा विकसित करे हे, जेन ह मुरुम, गिट्टी म बढ़ही। तभे त डिवाइडर म मिट्टी के जगा मन म ये सब भरे जात हे। अउ तभो ले अधिकारी मन चुप बइठे हे। जब ये मामला म विभाग के अधिकारी ले पूछे गिस त अधिकारी जवाब म ये मिलिस के डिवीजन ऑफिस म जानकारी मिलही या फेर जेन ठेकेदार बनात हे वो ह एखर जानकारी देही। अब सबले बड़ सवाल ये उठथे हे के जब ठेकेदार मन ह जानकारी दे ही त विभाग के अधिकारी का करही ?

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.