Home विशेष ये फिलिम ले छत्तीसगढ़ के मौद्रिक इतिहास ह झलकथे

ये फिलिम ले छत्तीसगढ़ के मौद्रिक इतिहास ह झलकथे

30
0

रायपुर। आपन कभु हाथ म रखे सिक्का मन के बारे म सोचे हव.. के हो सकत हे ये सिक्क ह कोनो ऐतिहासिक महत्व ल दर्सात हो। सिक्क म के कहानी म एक डाक्यूमेंट्री फिलिम बने हे, जे ह डॉ.
भानुप्रताप सिंह के छत्तीसगढ़ के सिक्क मन के संग्रह म आधारित हे। येकर फिलिमांकन जून म होइस हे।
भानुप्रताप सिंह के छत्तीसगढ़ के सिक्क मन के संग्रह ल व्यवस्थित तरीका ले डिस्प्ले कर एक प्रदर्सनी करे गे रिहिस हे। येखर फिलिमांकन राजा मन के हर सिक्क मन उपर आधारित कहानी ल लेके करे गेहे। ये फिलिम छत्तीसगढ़ : एक मौद्रिक इतिहास ल दर्सात हे।
फिलिम ‘छत्तीसगढ़ : ए न्यूमिस्मैटिक हिस्टोरी’ के निर्मान आदित्य प्रताप सिंह एंटरटेनमेंट्स केह करे हे। लगभग 100 मिनट के ये फिलिम म डॉ भानुप्रताप सिंह, आदित्यप्रताप सिंह, रितिका बदियानी, एक्ट्रेस व अस्मिता अरोरा ब्लागर महत्वपूर्न रोल करे हे।भानुप्रताप सिंह ह बताइस के वो ह बचपन ले ही सिक्क मन के संग्रहन करत आवत हे। जे ह बाद म एक जूनून बन गे अउ आज उमन के संग्रह म पूरा दुनिया ले लाखों सिक्का व कागजी मुद्रा हे। उमन के कहिन हे के उमन ल प्राचीन काल खासकर छत्तीसगढ़ राज्य , प्राचीन दक्षिण कोसल के सिक्का ल जमा करना पसंद हे काबर के ये उंखर गृह राज्य हे। उमन कहिन के छत्तीसगढ़ राज्य ले प्राप्त होय सिक्का दुनिया के कोनो भी प्राचीनतम सभ्यता ले प्राप्त होवइया सिक्क मन के तरह समृद्ध हे। छत्तीसगढ़ के सिक्क मन म उमन ह
पी.एच.डी. अउ0 डी.लिट करे हे। ।
उमन बताइन के ग्राम जौन्दा म मिले सिक्क मन के राष्ट्रीय व अंतरराष्ट्रीय जरनल म अपन रिसर्च पेपर म ओलो 7वीं सदी ईसा पूर्व, पूर्व जनपद काल के सिद्ध करे हे। । डॉ सिंह ह बताइन के मल्हार के राजा मन के मगध के पंच मार्क सिक्क मन उपर ब्राम्ही के अंकन कर अपन संप्रभुता के प्रदर्सन करना, अपन तरह ले एक अनोखा सिक्का हे। इही तरह सिरपुर अउ बस्तर म प्राप्त रिपौसी सिक्का मन, अपन तरह के एकमात्र अनोखा सिक्का हे, जेन्हा चांदी या सोना के बहुत ही पतला शीट उपर रिपौसी विधि ले बनाय गेहे। ये सबो सिक्क मन ल फिल्म म दिखाय गेहे हे ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.