Home छॉलीवुड समाचार उभरता सितारा अपन एक्टिंग के दम म मोला बनाना हे अपन नाम: प्रिया शर्मा

अपन एक्टिंग के दम म मोला बनाना हे अपन नाम: प्रिया शर्मा

28
0

दीपक बावनकर

जय जोहार. आज के हमर राईजिंग स्टार प्रिया शर्मा ह अपन दम म एक्टिंग के क्षेत्र म अपन नाम बनाए के इच्छा ल रखथे। इही नहीं सिरिफ बात इच्छा के घलो नो हे ओ ह लगातार अपन समना ल छुए बर जी-तोड़ मेहनत घलो करत हे। 12 मार्च 1992 म ऐ दुनिया म कदम रखईया प्रिया ह रायपुर रहिके पढ़ई लिखई ल करिन। इही संगे-संग अपन एक्टिंग म रुझान ल देखत-देखत सोच लिस अब इही क्षेत्र म अपन कैरियर ल बनाना हे।

लगातार काम करत-करत प्रिया ह मुम्बई डाहर रुख करिस जिहां ओला काफी कुछ सीखे बर मिलिस। इही नहीं उंहां जा के ओला जीवन के संगे-संग कैरियर ले जुड़े कई अनुभव मिलिस। मुंबई म इही सफर के दौरान प्रिया ह सीआईडी, ससुराल सिमर का, अकबर बीरबल, ये है आशिक़ी अऊ जय संतोषी माँ जईसे सीरियल म अपन अदाकारी के लोहा मनवाईस।

छॉलीवुड फिलिम इंड्रस्ट्री म प्रिया ह “प्रेम सुम“ अऊ “मिल गइली चंदनिय“ जईसे फिलिम म काम करे हे। शार्ट मूवी “आर्ट ऑफ मर्डर.. द पेच“ अऊ “कॉफी ब्रे“ म घलो अपन अदाकारी ल बखूबी निखारे हे। अब प्रिया बॉलीवुड के रद्दा म हे ओ ह विद्या बालन ल अपन आईडियल माने के संगे संग वईसनेच एक्टिंग कर अपन नाम बनाए के इच्छा रखथे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.