Home ताजा समाचार सिक्छाकर्मी मन के एरियर्स के करोड़ों रुपिया दबाय के चक्कर म...

सिक्छाकर्मी मन के एरियर्स के करोड़ों रुपिया दबाय के चक्कर म हे पंचायत बेभाग 

37
0

रायपुर। छत्तीसगढ़ सरकार ह सिक्छाकर्मी मन  के संविलियन के फइसला लेवत हुए प्रक्रिया घलो सुरू कर दीस हे। बताय जात हे के  अगस्त महीना ले सिक्छाकर्मी मन ल बढ़त वेतन मिलना सुरू हो जाही । ये बीच म सिक्छाकर्मी मन के संविलियन के संबंध म रोजेच  आदेस जारी होय ले सिक्छाकर्मी मन म नाराजगी देखे जात हे। इही कड़ी म एक आदेस निकले हे,  जेमा कहे गे हे के एक जुलाई ले सिक्छाकर्मी मन ल पंचायत बेभाग ह वेतन नइ देवय। ये संबंध म सर्कुलर होय ले सिक्छाकर्मी मन के चिंता  ह बढ़ा गे हे। उमन के कहिना हे कि ये आदेस ले सिक्छाकर्मी मन के एरियर्स ह पेंच म फंस गेहे।  सरकार उपर आरोप लगत हे के पंचायत  बेभाग सिक्छाकर्मी मन के एरियर्स के करोड़ों रुपिया  ल दबाय के चक्कर म हे।

उल्लेखनीय हे के  छत्तीसगढ़ सासन पंचायत एवं ग्रामीण विकास विभाग के पत्र क्रमांक पंचा/सिक्छा /2018/419, रायपुर दिनांक 07/07/2018  म 8 साल ले अधिक के सिक्छाकर्मी  जेकर संविलियन करे जत हे उमन ल 1 जुलाई ले वेतन पंचायत विभाग के मद ले नइ देय जाय  के आदेस के संगे-संग उँखर बकाया वेतन अउ एरियर्स म घलो रोक लगा दे हे।  येकर ले संविलियन के लाभ त मिलही लेकिन उमन के बकाया एरियर्स के भुगतान नइ करे जाय ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.