Home सियासत बीजेपी सरकार के विकास मॉडल के खेलाफ कांग्रेस के टी सर्ट वार

बीजेपी सरकार के विकास मॉडल के खेलाफ कांग्रेस के टी सर्ट वार

38
0

रायपुर । छत्तीसगढ़ म सत्ता पाय बर कांग्रेस रोज- नवा- नवा सगूफा तइयार करत हे। प्रदेस म उड़गे विकास के चिड़िया जइसे फ्लाप शो ल एक नए तरीका ले जनता के आघू लवत हे। अब वो ह बीजेपी सरकार के विकास मॉडल के खेलाफ टी-शर्ट वॉर सुरू करिस हे। येकर बर टी शर्ट डिजाइन करवाय गेहे, जेमा लिखे हे ”उड़गे विकास के चिड़िया”।
हाल के कुछु दिन म राजधानी म कांग्रेस कार्यकर्ता एक अलग तरह के टी सर्ट पहिने दिखे गेहे। येकर बारे म उंखर कहिना के बीजेपी ह चुनाव म पेस करइया विकास मॉडल उपर कटाक्ष करे बर कांग्रेस ह नवा तरीका ले टी सर्ट बनवाय हे। जेमा ‘उड़गे विकास के चिड़िया’ के नारा लिखे हुए हे।
छत्तीसगढ़ म कांग्रेस ‘उड़गे विकास के चिड़िया’ नारा लिखे एक लाख टी-सर्ट अपन कार्यकर्तामन म बांटे जाही। संग ही होवइया विधानसभा चुनाई के मद्देनजर ये तरह के करीबन 35 लाख टी-सर्ट के ऑर्डर देय हे। आवइया कुछु महीना म अइसे टी-सर्ट कांग्रेसी कार्यकर्ता मन के अलावा कांग्रेस के समरथक मतदाता मन तक तक पहुंचाए के घलो तइयारी हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.