Home छॉलीवुड समाचार उभरता सितारा निबरा नदी कस कलकल करत हे जेखर सुग्घर आवाज…. आपो मन सुनव-देखव...

निबरा नदी कस कलकल करत हे जेखर सुग्घर आवाज…. आपो मन सुनव-देखव नीचे विडियो ल

16
0

जय जोहार. हमर आज के राईजिंग स्टार हे नरायणपुर जिला के निबरा नदी कस कलकल करत आवाज के मालकिन दीपशिखा उर्फ ज्योति पटवा ह जेन नारायणपुर के ही रहवईया ऐ। दीपशिखा के सुग्घर आ‌वाज ल अऊ तराशे बर रायपुर ले संगीत महाविद्यालय ले पढ़ाई घलो करत हे। दीपशिखा कला जगत म अपन नाम बनाए बर जी-तोड़ मेहनत करत हे।

बचपन ले ही संगीत के शौक रखईया दीपशिखा ल छत्तीसगढ़ी संगीत ले बेहद ज्यादा लगाव हे। ओखर परिवार म भी माता पिता मन ह ओखर काफी सपोर्ट करथे। दीपशिखा ह अपन आईडियल लता मंगेशकर ल मानथे अऊ ओखरे गाना सुन-सुन के बड़े होए हे। इही बीच ओ ह गाना मन ल गुनगुनाए के शुरू कर दिस अऊ अब सुर-ताल के अच्छा जानकारी ओला हो गे हे। छत्तीसगढ़ी संगीत जगत म दीपशिखा के पसंदीदा गायिका हे अलका चन्द्राकर उही ल देख के दीपशिखा ल प्रेरणा मिलिस की ओहा छत्तीसगढ़ी एलबम अऊ फिलिम म गाना गाए। ऐखर बर आजकल दीपशिखा ह पूरा ईमादारी ले मेहनत घलो करत हे अऊ क्लासिकल म्यूजिक घलो सीखत हे।

दीपशिखा बताथे कि शुरू शुरू म जब ओहा रायपुर आए रिहिस त छत्तीसगढ़ी के सबले काबिल म्यूजिक डायरेक्टर भूपेन्द्र साहू संग म्यूजिक ले भरे पल बीताए रिहिस। जेखर ले ओला काफी कुछ सीखे बर मिले रिहिस। एखर अवाला घनश्याम महानंद अऊ आकाश चन्द्राकर के संग घलो कार्यक्रम कर चुके हे। दीपशिखा बताथे कि आकाश चन्द्राकर संग शो के दौरान काफी कुछ सीखे सीखे हे।

प्रेम साइमन के आखिरी रचना “दुलारी“ के प्रमुख नायिका के आ‌वाज डबिंग घलो दीपशिखा ह करे हे। जेन बात ल याद करके दीपशिखा कहिथे कि में ह अपन आप ल शौभाग्यशाली मानथों कि ओखर जईसे महान रचनाकार के रचना म काम करईया टीम के में हिस्सा रेहेंव।

देखव दीपशिखा के अऊ फोटो अऊ विडियो………

The voice is like the river Nibra
निबरा नदी कस कलकल करत हे जेखर सुग्घर आवाज
The voice is like the river Nibra
निबरा नदी कस कलकल करत हे जेखर सुग्घर आवाज

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.