Home ताजा समाचार मूसलाधार बारिस ले बह गिस 50 लाख के स्टॉप डैम

मूसलाधार बारिस ले बह गिस 50 लाख के स्टॉप डैम

13
0

बालोद। जिला म होवत मूसलाधार बारिस ह प्रसासन के दावा मन क पोल ल खोल दीस हे। बारिश के वजह ले जिहां नदी नाले उफान म हे, उहें डौंडी ब्लॉक के अवारी पंचायत म पचास लाख रुपिया के लागत ले बनाय जात स्टॉप डैम ह बहिगे।
दरअसल ये मामला ह डौंडी ब्लाक के ग्राम पंचायत अवारी के आश्रित ग्राम लखमाटोला के हे । इहां जल संसाधन बेभाग के निरमानधीन स्टॉप डेम पानी के तेज़ बहाव म ढह गे। जेखर बाद 50 लाख के लगात ले बनत स्टाप डेम के गुणवत्ता म सवालिया निशान लगे लगिस हे।
मामला म जब अधिकारी मन ले बात करे गिस त उहूं मन ह पल्ला झाड़े लगिन। अउ जांच कराय के बात कहत हवय। जलसंसाधन विभाग के एसडीओ ह बताइस के इहां निरमनधीन कारय मनरेगा के तहत करवाय जात हे, लेकिन ये अभू पूरा नइ होय हे। मामला म जांच करवाय के बाद ही कुछु बोले जा सकत हे। स्टाप डेम के निरमान ल लेके कतको बार सवाल उठिस हे, लेकिन कोनो अधिकारी मन धियान नइ दीस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.