Home छॉलीवुड समाचार ताजा समाचार बूथ स्तर के कारयकरता चुनही प्रत्यासी ….राहुल ह दिस डोर-टू-डोर कैंपेन के...

बूथ स्तर के कारयकरता चुनही प्रत्यासी ….राहुल ह दिस डोर-टू-डोर कैंपेन के फॉरमूला

27
0

रायपुर। आगामी विधानसभा चुनाव ल देखते हुए भाजपा अउ कांग्रेस प्रदेस म सक्रिय होगे हे। छत्तीसगढ़ म कांग्रेस ह भाजपा ल घेरे बर ए नवा प्लान तइयार करिन हे। अब कांग्रेस ह घर-घर जाके प्रदेस भाजपा सरकार के खिलाफ प्रचार करही। कांग्रेस ह ये अभियान ल जवाब दो-हिसाब दो के नाम दे हे। ये अभियान म कांग्रेस कारयकरता घर-घर जाके प्रदेस भाजपा सरकार के नाकामी मन ल उजागर करेही। गउरतलब हे के कुछु दिन पहिली कांग्रेस अध्यक्ष राहुल गांधी ल छत्तीसगढ़ म चलाय गे संकल्प शिविर मन के जानकारी देय गिस । जेमा छत्तीसगढ़ कांग्रेस ह ये दावा करे हे के बूथ मन ले गांव मन के अंतिम व्यक्ति तक पहुंचे बर निचले स्तर तक कारयकरता तइयार होगे हे। इही आधार म राहुल ह डोर-टू-डोर कैंपेन के फॉरमूला दिस हे। उहें बइठक म मवजूद तमाम नेतामन ले अइसे कोनो भी बयानबाजी ले बचे बर कहे गेहे जेखर ले पार्टी के मजबूती अउ छवि ल नुकसान पहुंचय।
राहुल ह पीसीसी नेता मन ले कहिन के ‘अगर आपन सफलता ले संकल्प शिविर लगाय हव अउर वाकई म आप मन के पास जमीनी स्तर या बूथ स्तर पर कारयकरता तइयार होगे हे त ये फॉरमूला म काम करना आसान हो जाही। ‘
बइठक म छत्तीसगढ़ ले वरिस्ठ नेता मोतीलाल वोरा, प्रदेश अध्यक्छ भूपेश बघेल, नेता विपक्छ टीएस सिंहदेव अउ सांसद ताम्रध्वज साहू सामिल होइन। बइठक म मवजूद तमाम नेता मन ले अइसे कोनो भी बयानबाजी ले बचे बर कहे गेहे जेखर ले पार्टी के मजबूती अउ छवि ल धक्का लगय। उमन ह इशारा म ये घलो संकेत दे दिस के अगर पार्टी लाइन ले बाहिर बयानबाजी करे गिस त कड़ी कार्रवाई होही।
छत्तीसगढ़ कांग्रेस ह पहली बार संगठन ल मजबूत करने अउ चुनावी प्रबंधन बर बूथ मैनेजमेंट उपर काम कर हे। येखर बर प्रदेस म लगभग 80 ले जादा विधानसभा म संकल्प सिविर लगाय जा चुके हे। सिविर मन ल सफल बतात हुए कांग्रेस ह कहिन के ये दफा पार्टी के बूथ स्तर के कारयकरता ही प्रत्यासी चुनही। बइठक के बाद पार्टी प्रवक्ता रणदीप सिंह सुरजेवाला ह बताइस के भाजपा ल सत्ता ले बेदखल करने के अभियान म राहुल ही पार्टी के चेहरा हवय।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.