Home सियासत बुधवार ले विधानसभा के दावेदार दिही आवेदन… आखिरी तिथि 7 अगस्त

बुधवार ले विधानसभा के दावेदार दिही आवेदन… आखिरी तिथि 7 अगस्त

13
0

रायपुर। प्रदेस कांग्रेस स्क्रीनिंग कमेटी के अध्यक्छ भुवनेश्वर कलिता ह शनिवार देर रात कांग्रेस भवन म जिला अध्यक्छ मन के की बइठक लिस। शनिवार देर रात रायपुर पहुंचे के बाद स्क्रीनिंग कमेटी ह कांग्रेस के जिला अध्यक्छ मन के बइठक लीस। येमा प्रत्यासी चयन ल लेके बातचीत होइस हे । बइठक म तय करे गिस के 1 से 7 अगस्त तक विधानसभा के दावेदार मन ह ब्लाक अउ जिला म आवेदन दिही।
बइठक के दउरान जिलाध्यक्छ मन के टिकट बर फारम बांटे गिस। निरनय लेय गिस के ब्लाक अउ जिला कमेटी मन नाम पीसीसी चुनाइ समिति ल भेजही। टिकट की घोसना चुनाइ के 3 माह पहिली तक हो पाही। सबो बड़ नेता जिला स्तर म जाके टिकट के समीक्छा करही। स्क्रीनिंग कमेटी के सदस्य घलो विधानसभा मन म जाही।
बता दन के छत्तीसगढ़ कांग्रेस म प्रत्यासी चयन बर तीन सदस्यीय स्क्रीनिंग कमेटी के गठन करे गिस हे। असम के सांसद भुबनेश्वर कलिता ल येकर अध्यक्ष बनाय गिस हे, जबकि अश्विन भाई कोतवाल अउ रोहित चौधरी कमेटी के सदस्य बनाय गेहे।
उहें ये कमेटी इही तरह ले आज रविवार के सबो 90 विधानसभा सीट मन के समन्वयक मन के घलो बइठक लेही। येकर बाद पीसीसी के तय प्रत्यासी चयन बर मापदंड के बारे म जानकारी लदेय जाही। संग ही, प्रदेस के सबो जिला म जाय अउ विधानसभा के दावेदार मन ले मिलही के कारयक्रम तय करे जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.