Home ताजा समाचार मासूम के कसूर बस अतका रहिस हे…..

मासूम के कसूर बस अतका रहिस हे…..

10
0

बेमेतरा। बेमेतरा के खंडसरा आंगनबाड़ी केंद्र के सहायिका ह मासूम लइका के न सिरिफ पिटाई करिस, बल्कि गरम चिमटा ले घलो जलाइस। मासूम के कसूर बस अतना रहिस हे के वो ह लघुसंका लगे म केंद्र म ही यूरिन कर दिस। ये बात ले नाराज आंगनबाड़ी सहायिका ह मासूम उपर जुल्म ढा दिस। लइका के चिमटा ले पिटाई कर ओला गरम चिमटा ले जला दिस। लइका रोवत बिलखत घर पहुंचिस त परिजन ओला डॉक्टर्स के तीर ले गिस। डॉक्टर के मुताबिक लइका के तबीयत अब ठीक हे।
मासूम लइका के माता-पिता पुणे म मजदूरी करत हे । लइका अपन दादा-दादी के संग रहिथे। परिजन मन ह आरोप लगाइस के आंगनबाड़ी केंद्र म लइका मन बर कोनो सुविधा नइए, उमन ल बाथरूम बर बाहिर जाना पड़त हे। केंद्र म चारो ओर गंदगी पसरे रहिथे। तीन दिन पुराना मामला म सिकातय के बाद घलो अधिकारी मन कार्रवाई के आस्वासन देवत हे।
राज्य म सिक्छा बेवस्था अउ स्कूल मन म सुविधामन के लाख दावा करे जात हे। लेकिन अइसे घटना मन ये दावा मन के पोल खोले बर पर्याप्त हे। सवाल ये हे के जब नौनिहाल मन के सिक्छा बर सरकार अतना जोर-शोर ले तइयारी करत हे। त केंद्र मन म सुविधामन बर घलो जोर देवय, जेकर ले फेर कोनो मासूम ल केंद्र म लघुसंका करे के अतना बड़ कीमत न चुकाना पड़य।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.