Home ताजा समाचार ये का होगे..145 लोगन के तबियत बिगड़िस….17 के हालत गंभीर

ये का होगे..145 लोगन के तबियत बिगड़िस….17 के हालत गंभीर

30
0

डोंगरगढ़ । समीपस्थ एक गांव म मृत्यु भोज खाय के बाद 145 लोगन के तबियत बिगड़ गिस। येमा 17 झन के हालत गंभीर हे। बाकी लोगन के सामुदायिक स्वास्थ्य केंद्र म भरती करवाय गेहे। स्वास्थ्य बिभाग ह गांव म शिविर लगाइस हे। प्रसासन ह सरपंच के घर ले पीये के पानी के सैम्पल लिस हे।
बताय जात हे के छुरिया ब्लाक के पांडे टोला ग्राम पंचायत के सरपंच के इहां कोनो के मृत्यु हो गिस। मृत्यु उपरांत सरपंच के घर मंगलवार के मृत्युभोज के आयोजन करे गिस हे। येमा खाना खाय बर नाते-रिश्तेदार मन के संग गांव के लोगन घलो पहुंचिन हे।
मृत्यु भोज खाय के बाद करीब 37 लोगन के तबियत एक के बाद एक अचानक बिगड़ने लगीस। सबो ल प्राथमिक स्वास्थ्य केंद्र छुरिया म भरती कराया गिस इहां 17 झन के स्थिति गंभीर देखत हुए उमन ल राजनांदगांव रेफर करे गिस । उहें हालात ल देखत हुए स्वास्थ्य बेभाग ह गांव म सिविर लगाय हे। लेकिन मरीज मन के अस्पताल पहुंचे के सिलसिला जारी हे। स्थिति ल देखत हुए एसडीएम समेत स्वास्थ्य बेभाग के करमचारी मउवका म ही हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.