Home ताजा समाचार मिसन 65 प्लस : 15 दिन म 90 उम्मीदवार खोजही भाजपा ह

मिसन 65 प्लस : 15 दिन म 90 उम्मीदवार खोजही भाजपा ह

9
0

रायपुर । छत्तीसगढ़ म मिशस 65 प्लस के मोरचे पर उतरे भाजपा ह एक-एक सीट बर जिताऊ उम्मीदवार मन के तलास तेज कर दीस हे। भाजपा ह अब तक तीन दउर के सरवे करिन हे। अब फाइनल सरवे 15 अगस्त तक करे के तइयारी हे। भाजपा के उच्च पदस्थ सूत्र मन के मानल त राष्ट्रीय अध्यक्ष अमित शाह के दउरा ले पहिली ले सबो 90 सीट म तीन ले पांच दावेदार मन के नाम के पइनल तइयार कर ले जाही। दरअसल, कांग्रेस 15 अगस्त तक उम्मीदवार घोसित करे के तइयारी म हे । ये ही कारन के हे के भाजपा घलो उम्मीदवार मन के नाम फाइनल करे के मोरचे म उतर गेहे।
भाजपा के कोर ग्रुप के बइठक म उन नेता मन ल पार्टी म वापस लाय म सहमति बनिस हे, जे मन पीछू के चुनाइ टिकट नइ मिले के कारन बागी होगे रहिन हे। भाजपा के आला नेतामन ह बताइस के मिसन 65 प्लस बर एक-एक सीट महत्वपून हे। अइसे म जनता के बीच बेहतर पकड़ रखइया नेता मन ल वापस लाय जाही। इहीं कड़ी म कोर ग्रुप म मंत्री विष्णुदेव साय ह जशपुर के कद्दावर नेता अउ पूरव मंत्री गणेशराम भगत ल वापस लाय के प्रस्ताव रखिन। ये प्रस्ताव म सबो सदस्य मन ह सहमति दे दीस हे। संभावना हे के एक-दू सप्ताह म गणेशराम के वापसी हो सकत हे। कई नेता मन के कहिना हे के उन पुराना कारयकरता मन म घलो धियान दिये जाना चाही, जे पार्टी ले बाहिर हे। ये संभावना मन ल देखे जाना चाही के उमन के वापसी ले का समीकरन बनत हे अउ येकर ले पार्टी ल कोन तरह के सियासी फायदा मिलही।
कांग्रेस-जोगी कांग्रेस के दिग्गज मन कतार म
चरचा हे के कांग्रेस अउ जोगी कांग्रेस के कुछु नेता घलो पार्टी के संपरक म हे। येमा बिलासपुर संभाग के कई पूरव विधायक पार्टी म सामिल होय के कतार म खड़े हे। हालांकि उमन ल हरी झंडी चुनाइ के ठीक पहिली दिखाय जाही। बताय जात हे के भाजपा कमजोर परफारमेंस वाले विधायको मन के तीन ले पांच सीट म विपक्षी पार्टी के नेता मन ल चुनाव लड़ा सकत हे। येकर बर ये नेता मन ले बातचीत के जुम्मा प्रदेस संगठन महामंत्री पवन साय अउ पूरव संगठन महामंत्री रामप्रताप सिंह ल सउपे जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.