Home ताजा समाचार पुलिस करमी मन ले तोहफा दिस मुख्यमंत्री ह

पुलिस करमी मन ले तोहफा दिस मुख्यमंत्री ह

77
0

रायपुर। मुख्यमंत्री डॉ. रमन सिंह ह आज राज्य के पुलिस करमचारी बर दस हजार अतिरिक्त मकान के निरमान के समेत कई बड़ घोसना मन ल करिन। उमन ह बहिनिया राजधानी रायपुर के नजदीक माना कैम्प म पुलिस प्रसिक्छन विद्यालय म नवा आरक्षक मन के दीक्षांत परेड समारोह म कहिन के विद्यालय लआटोमेटिक मॉड्यूलर किचन के स्थापना बर एक करोड़ 20 लाख रूपिया देय जाही। ये अत्याधुनिक किचन म रोज 600 लोग न के भोजन आसानी ले तियार होही। मुख्यमंत्री ह समारोह म विद्यालय के सफलतापूरवक प्रसिक्छन प्राप्त कर ले नवा आरक्षक मन के परेड के सलामी लीस।
उमन ह समारोह ल सम्बोधित करत हुए कहिन के – पुलिस करमचारी मन ह आम जनता ल देवत सेवा मन एक तरह ले कठिन घलो हे, चुनवती पूरन घलो अउ मानसिक रूप ले संतुस्टि देवइया
घलो हे। जन-जीवन क सुरक्छा अउ समाज म कानून बेवस्था बनाय रखे बर राज्य पुलिस के हमार जवान अउ अधिकारी पूरी मुस्तैदी ले अपन ड्यूटी करत हे। उमन के कठिन ड्यूटी ल धियान म रखके राज्य सरकार के घलो ये मानना हे के उमन सासन ले देय जात सुविधा मन म बदलत परिवेस के अनुरूप बेरा- बेरा म परिवरतन घलो करे जाय।
सरकार उंखर समस्या मन के निराकरन बर हमेसा ले सजग अउ सक्रिय हे। डॉ. सिंह ह कहिन के छत्तीसगढ़ सरकार के आरक्षक ले लेके पुलिस उप अधीक्षक संवरग तक के वेतनमान मध्यप्रदेस के वेतनमान के बराबर हे, लेकिन येकर बीच के पद मन म वेतनमान म कुछु भिन्नता हे। आवस्यकता के अनुसार ओला बढ़ात हुये मध्यप्रदेस के बराबर रखे जाही।
डॉ. सिंह ह कहिन के पुलिस करमचारी मन बर राज्य सासन ह पाछू के साल म दस हजार मकान बनाय के निरनय लेय गिस हे। येमा छह हजार मकान मन के निरमान सुरू होगे हे। अब तक येमा एक हजार ले जादा मकान पूरा होगे हे अउ उमन विभाग ल हस्तांतरित घलो कर देय गिस हे। अब आघू दू हछर के भीतर 10 हजार अतिरिक्त मकान मन के निरमान करे जाही। येकर ले पुलिस करमचारी मन के आवास संबंधी समस्या काफी हद तक कम हो जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.