Home ताजा समाचार 40 लाख बहिन मन ल मोबाइल दे दूं त मोर भाई होय...

40 लाख बहिन मन ल मोबाइल दे दूं त मोर भाई होय के करतव्य पूरा हो जाही : रमन सिंह

26
0

दुर्ग। थरड जेंडरस बर बढ़िया खबर हे मुख्यमंत्री रमन सिंह ह स्काई योजना के तहत थरड जेंडर मन ल मोबाइल देय के ऐलान करिस हे। रविशंकर स्टेडियम म संचार क्रांति योजना ल लेके आयोजित कारयक्रम म उमन येकर घोसना करिन।
सीएम रमन सिंह ह ये ऐलान करिन के अब स्काई योजना के तहत थरड जेंडरस ल घलो सरकार मोबाइल बांटही। इहां ई-लाइब्रेरी के उद्घाटन करिन। मउवका म मोबाइल तिहार के तहत संचार क्रांति योजना म जिले के 2 लाख 42 हजार हितग्राही मन ल स्काई योजना ले जोड़े गेहे।
सीएम ह कहिन के ‘प्रदेश म 66 प्रतिशत ग्रामीन क्षेत्र म मोबाइल कवरेज उपलब्ध हे। स्काई योजना के बाद ये 90 फीसदी तक पहुंच जाही। सीएम ह कहिन के 4G स्मार्ट फोन सामान्य फोन नइए। जे फोन छत्तीसगढ़ मुख्यमंत्री के पास, प्रेम प्रकाश पांडे के संग, छत्तीसगढ़ के सबो मंत्री मन के तीर हे उहीं मोबाइल मनरेगा के तहत काम करइया मजदूर मन के तीर हे’।
सीएम ह कहिन के ‘जब मोबाइल वितरन पूरा हो जाही, त 40 लाख बहिनी मन के हाथ म मोबाइल होही। गांव मन म बइठे बहिनी मन ह सीएम ले बात कर सकही। सीएम ह कहिन के तीज त्योहार म बहन भाई ले कुछु मांगथे त मै सोचे के 40 लाख बहिनी मन ल मोबाइल दे दूं त मेोर भाई के करतव्य पूरा हो जाही।
कांग्रेस उपर जमके वार करिस सीएम ह
ये मउवका म सीएम ह कांग्रेस उपर जमके वार करिन। सीएम ह कहिन के ‘सरकार ह गांव गांव म विकास के काम करे हे, कांग्रेस ह झुनझुना टिकाय रहिस हे, कोनो काम नइ करिस’। सीएम ह कहिन के ‘मैं कांग्रेसी मन ल पूछत हव के उमन गरीब किसान बर कोनो एक ठन योजना बनाइस हे। का कांग्रेस ह कभु एक रुपिया प्रति किलो चावल दिस हे ‘।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.