Home ताजा समाचार विज्ञान विकास केन्द्र म ई-लाईब्रेरी क्लास रूम के सुभारंभ करिन मुख्यमंत्री ह

विज्ञान विकास केन्द्र म ई-लाईब्रेरी क्लास रूम के सुभारंभ करिन मुख्यमंत्री ह

56
0

दुर्ग । मुख्यमंत्री डॉ. रमन सिंह ह जिला मुख्यालय दुर्ग स्थित विज्ञान विकास केन्द्र म ई-लाईब्रेरी क्लास रूम के सुभारंभ करके बेटी मन ले अपन वादा निभाइस। आप मन ल बता दन के विज्ञान विकास केन्द्र म 13 अपरेल 2017 ले स्मार्ट क्लास सुभारंभ के अवसर म मुख्यमंत्री ह बेटी मन ले इहां ई-लाईब्रेरी बनाए के वादा करे रहिन। उंखर ये वादा शुक्रवार के साकार हो गीस। डॉ. रमन सिंह ह बालिका मन के संग बइठके छत्तीसगढ़ी व्यंजन के घलोक लुत्फ उठाइन। ए ई-लाईब्रेरी कक्ष के निरमान एक करोड़ 22 लाख के लागत ले जिला प्रसासन कोति ले खनिज न्यास निधि ले पूरा कराय गेहे। विज्ञान विकास केन्द्र म बेटी मन ल ई-लाईब्रेरी के सउगात मिले म उमन ल बिक्‍कट खुश देखे गीस अउ उमन डॉ. रमन सिंह ल धन्यवाद दीन।
मुख्यमंत्री ह छात्रा मन ल सम्बोधित करत कहिन के ई-लाईब्रेरी के सुभारंभ हो जाय ले इहां रहिके पढ़ई करत बेटी मन ल ज्ञान-अरजन के नवा तकनीक मन के संग कई ठन बिसय-बिसेसज्ञ मन ले अध्ययन करे म मदद मिलही। विज्ञान विकास केन्द्र म प्रदेस के दूरस्थ अंचल मन के बेटी मन निवास करत हें अउ विज्ञान अउ वाणिज्य के सिक्छा लेथे। इहां अध्ययनरत बेटी मन ल निः सुल्क स्नातकोत्तर के सिक्छा देहे जाथे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.