Home ताजा समाचार नेता प्रतिपक्छ सिंहदेव दिखिस लोरमी म 

नेता प्रतिपक्छ सिंहदेव दिखिस लोरमी म 

14
0

नवनीत शुक्ला मुंगेली। जइसन जइसन चुनाई नजदीक आवत हे वइसन वइसन कांग्रेस म नवा जोस दिखाई देवत हे । 3 अगस्त के मुंगेली जिला प्रवास म सबले पहिली बाबा के जोर लोरमी म दिखिस जिहाँ जनता जोगी पार्टी के 40 कारयकरती मन ल कांग्रेस म घर वापसी कराइस । लोरमी अउ मुंगेली म सिंहदेव ह सब छोटे बड़ संगठन , वकील संघ, करमचारी संघ ले मिल के कांग्रेस के घोसना पत्र बर सब के राय मांगिस । जेला कांग्रेस के सत्ता म आये के बाद पूरा करे जाहि ।मुंगेली म आयोजित प्रेस वारता म नेता प्रतिपक्ष ह बड़ा बेबाकी ले जवाब दिस । लगभग 90 मिनट तक के वारता म जोगी उपर पूछेगे बात म कहिस के 2018 के चुनाई न भाजपा अउ कांग्रेस दू ही पार्टी हे जेमा मुकाबला होना हे । कांग्रेस कोति ल कोन बनहि मुख्यमंत्री के सवाल म हाइकमान उपर छोड़ दिस । कांग्रेस म चलत गुटबाजी बर कहिस के मिसन 2018 सब ल मिल के भाजपा के खेलाफ लड़ना हे कहिस ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.