Home Uncategorized मोबाइल ब्लास्ट के खबर म घमासान….बीजेपी ह कहिस के अफवाह, कांग्रेस के...

मोबाइल ब्लास्ट के खबर म घमासान….बीजेपी ह कहिस के अफवाह, कांग्रेस के कहिना हे के- कमीशन के खेल

35
0

रायपुर। जांजगीर चांपा जिला म महिला जूमरातन ल स्काई योजना म बांटे गिस मोबाइल फटे के खबरम कांग्रेस ह राज्य सरकार उपर हमला बोल दिस हे, त उहें सरकार ह मामला म सफाई दीस हे।
ये मामला म भाजपा प्रवक्ता शिवरतन शर्मा ह कहिन के कांग्रेस ह एक साजिश के तहत स्मारट फोन के फटे के अफवाह फइलावत हे।
उमन कहिन के जुमरातन के फोन फटे नइए बल्कि ओकर बइटरी फूले पाय गिस हे। ये मामला म जांजगीर जिला प्रसासन ह जुमरातन के घर जाके फोन के परीकछन करिस हे। परीक्छन के बाद अधिकारी मन ह बताइस के जुमरातन ल वितरित फोन फटे नइए, बल्कि फोन के कव्हर म जले के निसान अउ बइटरी फूले पाय गिस। तकनीकी टीम ह मोबाइल फोन, बइटरी अउ चारजर ल विस्तृत जांच बर लैब म भेजेत हे। चिप्स के अधिकारी म के कहिना ह बताइस के ये घटना के बाद जुमरातन ल नवा स्मारट फोन देय गिस हे। उहें कांग्रेस मीडिया प्रभारी विकास तिवारी ह कहिन के पीसीसी अध्यक्छ भूपेश बघेल के बात सच साबित होइस हे जेमा उमन मोबाइल के क्वालिटी म सवाल खड़ा करे रहिन हे। उमन ये योजना म 500 करोड़ के घोटाला होय के आरोप घलो लगाय रहिस हे। कांग्रेस ह मामला म मोबाइल कंपनी अउ चिप्स के अधिकारी मन उपर कड़ी कार्रवाई करे के मांग करिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.