Home ताजा समाचार बांकी गांव के युवा मन ह अटल जी ल दीस ये तरह...

बांकी गांव के युवा मन ह अटल जी ल दीस ये तरह के श्रद्धांजलि

38
0

मुंगेली। जिला मुख्यालय मुंगेली ले सात किलोमीटर के दूरी म स्थित ग्राम बांकी म होल्हाबाग नवयुवा समिति ह भारतीय राजनीति के पुरोधा स्तंभ, देस ल दिसा देवइया, उत्सव-मूरती, रूढीवादी के प्रखर विरोधी, जाती वाद अउ धर्मनिरपेक्छ के पक्छधर , परमानु क्षमता के जनक महान व्यक्तित्व अटल जी के 93 बठर के आयु म दुखद निधन होय म 93 पउधा मन ल रोपित कर के श्रद्धांजलि अर्पित करे गिस। ये अवसर म संस्था के संस्थापक रामपाल सिंहह कहिन के पूरा देस ल जोड़ के रखइया सरवमान्य अलौकिक व्यक्तित्व ल हमन सदा अपन आस-पास महसूस करन चाहत हन। येकर सेती हमार संस्था ह कुछु अलग करत हुए उंखर आयु के मुताबिक 93 पउधा मन ल रोपित कर श्रद्धांजलि अरपित करिन। ताकी ये पेड़ मन ल देख के उंखर याद हमार स्मृति पटल म हमेसा बनय रहय। ये अवसर म समिति के संयोजक हरिओम सिंह, खेलावन यादव, सनत साहू, नागेश साहू, रिकेश पूरी, निरंजन मानिकपुरी, किशन यादव, पुरुषोत्तम यादव, योगेंद्र पूरी समेत संस्था के सबो सदस्य अउ ग्रामवासी मन उपस्थित रहिन हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.