Home ताजा समाचार सड़क हादसा ल रोके बर मुंगेली पुलिस चलाइस अभियान

सड़क हादसा ल रोके बर मुंगेली पुलिस चलाइस अभियान

14
0

नवनीत शुक्ला, मुंगेली । आवारा पसु मन के कारन आय दिन होत सड़क हादसा ल रोके बर मुंगेली पुलिस ह अभियान चालू करिस । पुलिस अधीक्षक पारुल माथुर के निरदेशन म रक्छा टीम ह जरहागांव थाना क्षेत्र में शुक्रवार के अभियान चलाइस ।
अभियान म गउ-सेवक अउ गांव वाले मन मिलकर जरहागांव से बरेला तक सड़क तीर मिलइया मवेशी मन के गला म रेडियम पट्टा अउ सींग मन म रंग-रोगन करिस । जेमा रात के अंधियार म आसानी ले चिन्हे जा सकय ।
अभियान के दूसर चरन म रक्छा टीम प्रभारी निरीक्षक कविता धुर्वे ह गांव वाला मन ल अपन जानवर ल घर म रखके देख-रेख करे बर समझाइस। अउ दुबारा सड़क म पसु मन ल नइ रखे के हिदायत दिस।
गउ-सेवक मन ह अभियान के सराहना करत हुए सड़क ले पसु मन ल हटाय के काम म हर सम्भव मदद करे बर भरोसा दिलाइस । जहां तक बात नगरपालिका के हे। तव पालिका ह पाछू महीना कारयवाही करिस । ओखर बाद ले आज तक येमा धियान नइ दिस।
अगर पुलिस अउ रक्छा टीम असन पालिका तक अपन दायित्व ल निभावय तव मुंगेली नगर म तक जानवर मन के कारन हादसा बहुत कम हो सकत हे ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.