Home विज्ञापन राहुल ह विधान सभा चुनाव बर खींचिस प्रदेस मन के मुद्दा मन...

राहुल ह विधान सभा चुनाव बर खींचिस प्रदेस मन के मुद्दा मन के खाका

8
0

रायपुर। कांग्रेस के राष्ट्रीय अध्यक्छ राहुल गांधी ने सबो प्रदेस कांग्रेस कमेटी के अध्यक्छ मन, महासचिव मन अउ प्रभारी मन के बइठक लीस। छत्तीसगढ़ कांग्रेस के नेता घलोक ये बइठक म मवजूद रहिन। ये बइठक म आगामी चुनाई ल लेके रननीति बनिस।
छत्तीसगढ़ प्रदेस कांग्रेस अध्यक्छ भूपेश बघेल, टीएस सिंह देव अउ पीएल पुनिया ये बइठक म मवजूद रहिन हे। कुछु दिन पहिली ही राहुल गांधी छत्तीसगढ़ आय रहिस हे अउ नेतामन के संग मंथन करिस हे। ये मीटिंग म प्रदेस म होवइया विधान सभा चुनाइ अउ आगामी लोकसभा चुनाइ ल लेके रननीति बनिस हे। जानकारी मिले हे के ये मीटिंग म विधान सभा चुनाव मन म प्रदेस मन के मुद्दा मन ल लेके खाका खींचे गिस हे।
छत्तीसगढ़ के मुद्दा मन म चरचा
जानकारी हे के ये मीटिंग म विधानसभा चुनाव मन म प्रदेश मन के मुद्दा मन के खाका घलो खींचे गिस हे। प्रदेस म होवइया विधान सभा चुनाइ म कोन मुद्दा म सरकार ल घेरना हे, येमा चरचा होइस हे। राज्य के अइसे कोन से मुद्दा हे जे ल पार्टी भुना सकत हे, येमा घलो बात होइस हे।
शैलेश नितिन त्रिवेदी के कहिना हे के दिल्ली म आयोजित बइठक म राष्ट्रीय एजेंडा मन ल लेके चरचा करे गिस हे अउ उमन ल कइसे लागू करे जाय येमा घलो चरचा करे गिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.