Home ताजा समाचार कोरबा…….पुलिस अधिकारी अब खदेड़ही पसु मन ल

कोरबा…….पुलिस अधिकारी अब खदेड़ही पसु मन ल

29
0

कोरबा। जिला म पुलिस अधिकारी मन अब सड़क मन म बइठे मवेसी मन ल भगाही। पुलिस अधीक्षक ह पुलिस अधिकारी मन के नाम नवा आदेस जारी करिस हे। आरक्छक ले लेके पुलिस के राजपत्रित अधिकारी मन अब सड़क ले मवेसी मन ल खदेड़े के काम करही। अइसे येकर बर करे जात हे, जेकर ले सड़क हादस मन म लगाम लगाय जा सकय।
कोरबा जिला के पुलिस ल अब सड़क ले गुजरत हुए ये बात के धियान रखना होही कोनो मेर मवेसी त नइ बइठे हे। पुलिस अधीक्छक के आदेस के मुताबिक कोनो भी पुलिस अधिकारी कोनो भी सड़क ले गुजरय अउ उहां उमन ह मवेसा या त रोड म बइठे हे या फेर घूमत नजर आत हे त अफसर मन फउरन गाड़ी ल रोके के उमन ल भगाना पड़ही।
आरक्षक से लेके सीएसपी-डीएसपी स्‍तर के राजपत्रित अधिकारी घलोक ये काम ल करही। कोरबा के एसपी मयंक श्रीवास्‍तव ह ये पहल येकर बर करिस हे के, ताकि हादसा मन म लगाम लगाय जा सकाय अउ लोगन के जान न जाय।
सड़क म अंधेरा, ऊपर ले मवेसी मन के जमावड़ा के चलत राहगीर सड़क हादसा के सिकार होत रहत हे। येकर वजह ल कई लोगन के जान तक जा चुके हे। जिला म बढ़त सड़क हादसा म अंकुस लगाय म जिला प्रसासन अउ पुलिस के तमाम प्रयास करे जात हे। उहीं म ये प्रयास मन म ये घलोक एक अनोखा प्रयास हे।
होगी दंडनीय कार्रवाई
कोरबा एसपी ह जिला के समस्त थाना-चौकी मन ल जारी आदेश म ये घलोक साफ लिखे हे के अगर कोनो भी पुलिसकरमी या अधिकारी ह मवेला मन ल नजरअंदाज कर सड़क ले गुजरत पाय गिस त वो अधिकारी या पुलिसकरमी उपर दंडनीय कार्रवाई होही।
एसपी के ये आदेस ले सड़क हादसा मन म अंकुस लगाय के कोसिस त अच्छा हे, लेकिन नगर निगम के मवेसी मन ल लेके ढीला रवइया आघू आवत हे ओला कइसे लाइन म ला जाय।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.