Home ताजा समाचार येखर बर स्कूली लइका मन ल पूरा तन ढंके वाले कपड़ा पहिने...

येखर बर स्कूली लइका मन ल पूरा तन ढंके वाले कपड़ा पहिने बर कहिस हे

25
0

रायपुर । लगातार पांव पसारत डेंगू फीवर ल देखत हुए छत्तीसगढ़ के राजधानी रायपुर म प्रसासन ह एक आदेस जारी करिस हे। लोक सिक्छन संचालनालय ह सबो स्कूल मन ल अलर्ट रहे के सलाह दीस हे। ये अलरट रहे के सलाह डेंगू के रोकथाम बर देय गेहे। ये सलाह म अब स्कूली लइका मन ल गवनेस (स्कूल ड्रेस) ना पहिना के पूरा तन ढंके वाले कपड़ा पहिने के कहे गेहे।
बतादन के ये दिन मन म छत्तीसगढ़ के अनेक सहर मन म डेंगू ह अपन पांव पसार रखे हे। पाछू के दिन मन म भिलाई, दुर्ग व राजनांदगांव जिला म डेंगू के कहर ले अनेक लोगन मन ह अपन जान गंवाइस हे। अब तक डेंगू ले 17 लोगन के मउत हो चुके हे। येकर अलावा प्रदेस के अउ कई भाग मन म घलो डेंगू तेजी ले फइलत जात हे। ये घातक बीमारी ले विद्यार्थी मन ल बचाय बर लोक सिक्छन संचालनालय ह अलरट जारी करिस हे।
येकर तहत जिला सिक्छा अधिकारी मन ल स्कूल मन म पालन करे बर कुछु निरदेश जारीकर दिस हे। सासन ले आय आदेस के अनुसार स्कूल मन म नियमित साफ-सफाई के अलावा पानी जमा होवइया म जगा म ब्लीचिंग पाउडर अउ डीडीटी के छिड़काव करे के बात कहे गिस हे। येकर अलावा लइका मन ल मध्याह्न भोजन के दउरान पानी उबाल के पिलाय के निरदेस दिस गेहे। उहें साला परिसर म टैंक, अंडर ग्राउंड वाटर स्टोरेज, कूलर पानी के कंटेनर या आस-पास बने नाली मन के नियमित सफाई रखना होही। येकर अलावा साला परिसर म कोनो प्रकार ले पानी जमा नइ ह देना हे, जेकर ले उहां मच्छर पनप नइ पाय।
मिले निरदेस म साला परिसर के अइसे जगा जिहां मच्छर पनपे के खतरा दिखाई देवत हे, उहां मिट्टी के तेल, ब्लीचिंग पाउडर आदि वस्तु मन के छिड़काव करना है। उहें जिहां संभव हो सके स्कूल म मॉस्किटो क्वायल, स्प्रे या लिक्विड मसीन क उपयोग कर लइका मन ल मच्छर ले पूरी तरह ले बचाय के उपाय करना हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.