Home ताजा समाचार ये घटना के बाद अफसर मन के उड़गे नींद

ये घटना के बाद अफसर मन के उड़गे नींद

5
0

दुर्ग। बाल संप्रेक्छन गृह ले 13 लइका मन के फरार होय के मामला आघू आइस हे। बिहनियां घटना के जानकारी होय म करमचारी मन ह पुलगांव थाना म सिकायत दरज कराइन हे। ये घटना के बाद ले अफसर मन के नींद उड़ गिस हे। बता दन के पुलगांव बाल संप्रेक्छन गृह म पहिली घलोक अइसे मामला आय हे। येखर बावजूद, प्रबंधन ह सुरक्छा के पुख्ता इंतजाम नइ करिस हे।
छत्तीसगढ़ के दुर्ग जिला के बाल संप्रेक्छन गृह ले 13 अपचारी बालक फरार होगे हे। रविवार के देर रात फरार अपचारी बालक मन म तीन ल पकड़ ले गिस हे। जबकि अन्य दस के तलास पुलगांव थाना पुलिस करत हे। येखर पहिली 29 मई के घलोक चार अपचारी बालक फरार होगे रहिन हे, जेमन बाद म पकड़ लेय गिस। बीती रात फरार अपचारी मन के तलास करे जात हे।
बता दन के दुर्ग संप्रेक्छन ​गृह ले अपचारी बालक मन के फरार अउ उंखर उत्पात के खबर मन लगातार आघू आवत हे। मिले जानकारी म बीती रात संप्रेक्छन गृह के एक कमरा के एक्जॉस्ट फेन ल निकालके उहां तोड़फोड़ कर 13 अपचारी फरार होगिन, तत्काल सूचना के बाद तीन बालक मन ल पकड़े म सफलता मिलीस। बाकी मन अब घलोक फरार हे।
बछर 2016 म बाल संप्रेक्छन गृह दुर्ग म अपचारी बालक मन ह जमके उत्पात मचाइस रहिन हे। इहां मारपीट के अलावा अपचारी मन ह संप्रेक्छन गृह म तोड़फोड़ कर रसोई गैस के सिलेंडर म आगजनी के चेतावनी भी देय रहिन हे। ये दउरान अपचारी मन ह संप्रेक्छन गृह प्रबंधन उपर लापरवाही व मनमानी करे के आरोप लगाय रहिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.