Home ताजा समाचार भाजपा के निशाना म सांसद छाया वर्मा

भाजपा के निशाना म सांसद छाया वर्मा

49
0

बालोद । राजकीय सोक के दउरान कांग्रेस के राज्यसभा सांसद छाया वर्मा के एक कारयक्रम म सामिल होय म बीजेपी नेतामन ह निंदा करिन हे। बीजेपी के कहिना हे के जब पूरा देस अउ राज्य म राजकीय सोक घोसित हे, त अइसे बेरा म जुम्मेदार पद म रहत हुए कारयक्रम करवाना अउ ओमा सामिल होना गलत हे।
जब सांसद ले ये संबंध म बात करेगिस त उमन कहिन के ”राष्ट्रीय सोक दिल्ली म होइस, इहां घलोक होइस, बहुत जगा होइस, छत्तीसगढ़ म घलोक सोक मनाय गिस, लेकिन कारयक्रम म कोनो
उत्साहवरधन या नाच-गाना होइस अइसे कोनो बात नइए। महिला मन ल ताकत देय के बात रहिस हे, त अइसे आयोजन ले कोनो ल दिक्कत नइए।”
मामला म स्थानीय पूरव बीजेपी विधायक वीरेंद्र साहू ह ये घटना के निंदा करिन हे। उमन कहिन के ”प्रदेस के गवरनर बलरामदास टंडन अउ भारतरत्न अटल जी के मृत्यु म राजकीय सोक घोसित हे।अइसे म जुम्मेदार पद म बइठे लोगन ल कारयक्रम करवाना गलत हे। मैं ये बात के निंदा करत हव।”
दरअसल, डौंडी लोहारा के रेंगड़ाबरी म कांग्रेस ह महिला अधिकार सम्मान समारोह कारयक्रम रखे रहिस हे। कारयक्रम म मुख्य अतिथि सांसद छाया वर्मा रहिन हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.