Home ताजा समाचार आज नदी मन म प्रवाहित करे जाही वाजपेयी जी के अस्थि कलस...

आज नदी मन म प्रवाहित करे जाही वाजपेयी जी के अस्थि कलस ल

9
0

रायपुर। पूरव प्रधानमंत्री अटल बिहारी वाजपेयी के अस्थि कलस आज नदी मन म प्रवाहित करे जाही। रायपुर म बिहनिया 9 ले 11 बजे तक टाउन हाल म अस्थि कलस जनता के दसरन बर रखे जाही। फेर प्रमुख मारम मन ले होवत हुए राजिम त्रिवेनी म अस्थियां विसरजित करे जाही।
कृषिमंत्री बृजमोहन अग्रवाल ह बताइन के टाउन हाल म जनता के दरशन के बाद अस्थि कलस जय स्तंभ चउक, शारदा चउक, तात्यापारा, पुरानी बस्ती, इंदिरा गांधी चौक, टिकरापारा होवत पचपेड़ी नाका चउक होके राजिम बर रवाना होही। उहां त्रिवेनी संगम म येखर विसरजन करे जाही।
माना एयरपोरट ले एकात्म परिसर तक बुधवार के निकाले गिस कलस यात्रा म मुख्यमंत्री रमन सिंह, सांसद रमेश बैस, सरोज पांडेय, प्रदेश अध्यक्छ धरमलाल कौशिक अउ कृषि मंत्री बृजमोहन अग्रवाल समेत कई दिग्गजमन सामिल रहिन, आज घलो प्रदेस के सबो 27 जिला मन म कलस यात्रा निकाले जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.