Home ब्रेकिंग न्यूज लोगन मन के पइसा से बीजेपी के संगठनात्मक खरचा

लोगन मन के पइसा से बीजेपी के संगठनात्मक खरचा

72
0

रायपुर । छत्तीसगढ़ म बीते 14 साल से सत्तारूढ़ भारतीय जनता पार्टी (बीजेपी) ह अपन संगठनात्मक खरचा बर लोगन मन ले पइसा लेवत हवय। बीजेपी ह सहयोग निधी के नाम पर हर साल हाट-बाजार, दुकान ले पइसा लेथे । जेखर रसीद भी दे थे।
राजधानी म बीजेपी ह आजीवन सहयोग निधी बर 16 मंडल बनाए हे। एखर जानकारी देवत हुए छत्तीसगढ़ बीजेपी के प्रवक्ता संजय श्रीवास्तव ह किहिस कि पार्टी ल संगठनात्मक खरचा करे बर पइसा के जरूरत हो थे । ए पइसा ह जनता-जनार्दन डर ले आ थे। ओखर कहना हवय कि बीजेपी ल ए पइसा सहयोग निधी के नाम पर मिल थे। अउ पारटी के पदाधिकारी मन हर साल हाट-बाजार, दुकानदार मन ले पइसा ले थे। इही क्रम म रविवार को पंडित दीनदयाल उपाध्याय के पुण्यतिथि पर राजधानी म बीजेपी के सभी 16 मंडल के पदाधिकारी मन ह हाट-बाजार, दुकान अउ अन्य लोगन मन ले पइसा लिस हे। एखर बदला म बीजेपी के पदाधिकारी मन ह बकायदा रसीद भी दिस हे।
आगे छत्तीसगढ़ बीजेपी प्रवक्ता संजय श्रीवास्तव कहिन कि भारतीय जनता पार्टी शुरूआत के दिन से पारटी के कार्यकर्ता, संगठन के रोज के जरूरत के पूर्ति अउ कार्यालय आदि जमो तरह के खरचा बर जन सहयोग अउ कार्यकर्ता मन के सहयोग के माध्यम ले पारटी ह धीरे-धीरे कर आगे बढ़ाए के काम करत हे। ऐखर बर पारटी हर बरस आजीवन सहयोग राशि इकट्ठा करथे । वो ह कहिन कि ए बरस रविवार के शहर के 16 मंडल ह आजीवन सहयोग निधी ले के शुरूआत करिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.