Home ब्रेकिंग न्यूज छत्तीगढ़ सरकार ल हेलीकॉप्टर खरीद मामला म मिलिस राहत

छत्तीगढ़ सरकार ल हेलीकॉप्टर खरीद मामला म मिलिस राहत

64
0

रायपुर। अगस्ता वेस्टलैंड हेलीकॉप्टर खरीद मामला म छत्तीगढ़ सरकार ल राहत मिलिस।। सुप्रीम कोर्ट ह स्वराज अभियान के याचिका ल खारिज कर दीस हे। जेमा वो ह घोटाला के आरोप के एसआईटी ले जांच कराए के मांग करे रिहिस हे।
कोर्ट ह किहिस कि ‘मोला कोई अइसे आधार नई मिले, जेखर सेती याचिकाकर्ता ल कोई राहत दे सकव।। याचिका म कहे गे रिहिस कि एखर खरीदी बर घूस गे गेहे। अउ 30 फीसदी कमीशन दे गेहे। याचिका म कहे गेहे कि मुख्यमंत्री रमन सिंह के बेटे अभिषेक सिंह घलो ए विवाद ले जुड़े हवय। कबर कि 6.3 मिलियन डॉलर के हेलीकॉप्टर खरीदी के छह महीना बाद वो ह एक शेल कंपनी बनाइस हे। 2007 म छ्तीसगढ सरकार ह अगस्ता वेस्टलैंड हेलीकॉप्टर खरीदी के मामला म सुप्रीम कोर्ट ह ये फैसला सुनाइस हे । सुप्रीम कोर्ट ल तय करना रिहिस हे कि हेलीकॉप्टर खरीद फरोख्त के स्वतंत्र जांच कराए जाए या नई।
अगस्ता वेस्टलैंड हेलीकॉप्टर खरीद मामला म सुप्रीम कोर्ट के याचिका खारिज होए के बाद मुख्यमंत्री डॉ रमन सिंह ह किहिस कि’ आज दूध के दूध अउ पानी के पानी होगे। सत्य के जीत होहिस हे। । सत्य कभु पराजित नई होवय। डॉ सिंह ह किहिस कि सुप्रीम कोर्ट के ए बेहद ही महत्वपूर्ण फैसला हवय। नेता प्रतिपक्ष टी एस सिंहदेव अउ स्वराज अभियान के पीटिशन ल शीर्ष न्यायालय ह खारिज कर दिस हे। मुख्यमंत्री के कहिना कि ‘सुप्रीम कोर्ट ह मानिस कि 2007 म अगुस्ता वेस्टलैंड के खरीदी बर बने कमेटी ह पारदर्शी तरीका ले टेंडर प्रक्रिया पूरा करिस।। हेलीकॉप्टर के खरीदी म पूरी पारदर्शिता बरते गेहे । सरकार ह कभी भी गलत तरीका ले कमेटी के गठन नइ करिस। कमेटी म वित्त, विमानन के संग-संग मुख्यमंत्री के प्रमुख सचिव शामिल करे गे रिहिस हे। डॉ सिंह ह किहिस कि केवल राजनीतिक कारण ले ए याचिका लगाए गे रिहिस हे।
एती बर सुप्रीम कोर्ट के फैसला म कांग्रेस के कहना हे कि , कोर्ट ह छत्तीसगढ़ सरकार ल कोई राहत नइ दे हे। पीएल पुनिया ह किहिस कि भाजपा एला क्लीन चिट ना समझय, आरोप अभी भी बने हवय। वो ह किहिस कि एखर शिकायत शिकायत सीबीआई अउ ईडी म करे जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.