जय जोहार…. (Corona) प्रदेश म पिछिले 24 घंटा म कोरोना के 456 नवा मरीज के पहचान होय हे। उहचे 93 मरीज मन ल बने होय के बाद अस्पताल ले डिस्चार्ज कर दे गे हे। जबकि 8 संक्रमित के इलाज के दौरान मौत हो गे हे।
बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 135, दुर्ग ले 102, सूरजपुर ले 35, सरगुजा ले 34, बिलासपुर ले 31, कोरबा ले 26, जशपुर ले 20, कोरिया ले 17, राजनांदगांव अऊ बलौदाबाजार ले 13-13, महासमुंद ले 6, धमतरी ले 5, बालोद, बेमेतरा अऊ बलरामपुर ले 3-3, गरियाबंद, कांकेर अऊ गौरेला-पेंड्रा-मरवाही ले 2-2, रायगढ़, जांजगीर-चांपा, बस्तर अऊ दंतेवाड़ा ले 1-1 मरीज सामिल हे।
बता देन कि प्रदेश म कोरोना (Corona) संक्रमण के मामला ह बाढ़ के 3 लाख 15 हजार 486 हो गे हे। जेमा ले 3345 एक्टिव मामला हे। उहचे 3 लाख 08 हजार 269 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3872 मरीज के मौत हो गे हे।
No Comment! Be the first one.