Home ताजा समाचार सॉफ्टवेयर बनाए अउ मोबाइल इंश्योरेंस के नाम म ठगी, 1 झन पकड़ाइस

सॉफ्टवेयर बनाए अउ मोबाइल इंश्योरेंस के नाम म ठगी, 1 झन पकड़ाइस

38
0

रायपुर। भिलाई म मोबाइल सॉफ्टवेयर बनाए अउ मोबाइल के इंश्योरेंस करे के नाम ‘एप्स डेली सोल्यूशन्स’ कंपनी के नेशनल डिस्ट्रीब्यूटर विजय रूपरा ल लोगन मन से ठगी करे के शिकायत म सुपेला पुलिस ने धर दबोचिस।
दुर्ग के एडिशनल एसपी शशिमोहन सिंह बताइस कि ठगी के शिकार हुए प्रताप नायक ह एक लिखित रिपोर्ट सूपेला थाना म लिखवाय हे। रिपोर्ट म प्रार्थी ह किहिस कि ‘एप्स डेली सोल्यूशन्स’ कंपनी के मालिक अरुण मेमन अउ नेशनल डिस्ट्रीब्यूटर विजय रुपैरा ह एंटी वायरस अउ बीमा सर्विस दे के संग मोबाइल म रियल टाइम ग्रॉस सेटलमेंट (आरटीजीएस) करवाए के नाम म ओखर ले 10 लाख रुपइया ले हे। ऐखर बाद ले ऑफिस बंद करके भाग गेहे। ऐखर शिकायत पीड़ित ह तत्काल सूपेला थाने म दर्ज करवाइस हे। जेखर बाद सूपेला पुलिस लिखित शिकायत के आधार म मामला के छानबीन शुरू कर दीस। ऐही क्रम म पुलिस ह एसपी संजीव शुक्ला के मार्गदर्शन म एक टीम के गठन करके मध्यप्रदेश के जबलपुर रवाना होइस। लिहाजा, ए दौरान पुलिस छापेमारी म आरोपी विजय रूपेरा ल पुलिस ह मौउका म पकड़ लिस। जबकि मुख्य सरगना अरुण मेमन अमरीका म जाकर रहे लगिस हे। फिलहाल, सूपेला पुलिस ह आईपीसी के धारा 420, 34 के तहत अपराध दर्ज करके पकड़े गे आरोपी ले पूछताछ करत हवय।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.