Home ताजा समाचार अभिनेत्री अमीषा पटेल के हाथ होइस कबड्डी महाकुंभ के समापन

अभिनेत्री अमीषा पटेल के हाथ होइस कबड्डी महाकुंभ के समापन

45
0

धमतरी। जिला के कुरूद म खेलेगा भारत जीतेगा भारत के तर्ज म खेलेगा भारत खेलेगा कुरूद के परिकल्पना ल साकार करे बर कमल कप कब्बडी प्रतियोगिता के आयोजन करे गिस। ए स्पर्धा ह एक सप्ताह तक चलिस। विधानसभा स्तरीय कबडडी महाकुंभ के समापन बुधवार के होगे । समापन कार्यक्रम अउ पुरुस्कार वितरण समारोह म हिंदी सिनेमा जगत के प्रसिद्ध फिल्म अभिनेत्री अमीषा पटेल बतौर मुख्य अतिथि शामिल होइस । वहीं कार्यक्रम के अध्यक्षता प्रदेश सरकार म पंचायत एवं ग्रामीण विकास मंत्री अजय चंद्राकर ह करिस।
आपसी भाईचारा ल मजबूत बनाने बर फ्रेंड्स क्लब कुरुद ह 7 दिवसीय विधानसभा स्तरीय कबडडी प्रतियोगिता के आयोजन करे रिहस हे। जिहां इलाका के अलग अलग गांव के करीब 160 टीम के 2 हजार खिलाड़ी मन हिस्सा लिस। अउ अपन दमखम दिखाइस। एती बर इलाका म पहली बार कबड्डी प्रतियोगिता अंतरराष्ट्रीय मैट म आयोजित हो के कारण लोगन मन काफी खुश नजर आइस। ये आयोजन म विजेता टीम ल 50 हजार अउ उपविजेता टीम ल 30 हजार के इनाम राशि प्रसिद्ध फिल्म अभिनेत्री अमीषा पटेल के हाथ देय दिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.