Home ताजा समाचार मुख्यमंत्री ले मिलके ग्राम पंचायत सचिव मन ह आभार प्रकट करिन

मुख्यमंत्री ले मिलके ग्राम पंचायत सचिव मन ह आभार प्रकट करिन

66
0

रायपुर। मुख्यमंत्री डॉ. रमन सिंह ले आज इहां विधानसभा परिसर म बेमेतरा विधायक अवधेश चंदेल के नेतृत्व म आए ग्राम पंचायत सचिव मन के प्रतिनिधि मंडल ह सौजन्य मुलाकात करिन। उमन मुख्यमंत्री से साल 2018-19 के बजट म 15 साल के सेवा पूरा करइया पंचायत सचिव मन ल उच्चतर वेतनमान 5200-20200, ग्रेड पे 2400 देहे अउ पन्द्रह साल ले कम सेवा अवधि वाले पंचायत सचिव मन ल अभी हालेच वेतन के संग हर महिना 1500 रूपिया के विशेष भत्ता देहे के घोषणा बर ऊंखर प्रति आभार प्रकट करिन। राज्य शासन के ए निर्णय ले ग्राम पंचायत मन म कार्यरत 10 हजार 971 पंचायत सचिव लाभान्वित होहीं। प्रतिनिधि मंडल ह पंचायत सचिव संघ के बेमेतरा जिला के अध्यक्ष मूलचंद साहू संग गजानंद वर्मा, कमलेश देश लहरे, विष्णु चन्द्राकर अऊ योगेश चन्द्राकर संग बड़ी संख्या म ग्राम पंचायत सचिव उपस्थित रहिन।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.