Home ताजा समाचार महामस्तिका अभिषेक समारोह म जाए बर तीर्थ यात्री मन बर विशेष ट्रेन

महामस्तिका अभिषेक समारोह म जाए बर तीर्थ यात्री मन बर विशेष ट्रेन

58
0

रायपुर । मुख्यमंत्री डॉ. रमन सिंह ले विधानसभा परिसर स्थित ऊंखर कक्ष म अखिल भारतीय शाकाहार परिषद अउ सकल जैन समाज भिलाई-दुर्ग के प्रतिनिधि मंडल ह सौजन्य मुलाकात करिन। उमन जैन धर्म के कर्नाटक स्थित सुप्रसिद्ध तीर्थ स्थल श्रवण बेलगोला बर विशेष ट्रेन भेजे के मुख्यमंत्री के निर्णय बर ऊंखर प्रति आभार प्रकट करिन। आप मन जानतेच होहू के श्रवण बेलगोला म ए महिना के 17 ले 25 तारीक तक भागवान बाहुबली के महामस्तिका अभिषेक समारोह आयोजित करे जात हे। जेमां छत्तीसगढ़ ले घलोक बड़ संख्या म तीर्थयात्री जाथें। मुख्यमंत्री कोति ले प्रदेश के तीर्थ यात्री मन के सुविधा बर विशेष ट्रेन भेजे के निर्णय लेहे गीस। ये ट्रेन बिलासपुर रेल्वे स्टेशन ले अवइया हफ्ता के चालू म रवाना होही। प्रतिनिधि मंडल म सकल जैन समाज भिलाई-दुर्ग के संयोजक पवन जैन संग प्रदीप जैन बाकलीवाल, भाखचंद जैन अऊ विजय जैन संग समाज के बहुत अकन पदाधिकारी अऊ सदस्य सामिल रहिन।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.