जय जोहार। छत्तीसगढ़ म कोरोना (corona) संक्रमित मन के सख्या ह कम होय के नाम नई लेवत हे। बुधवार के रात 8.30 बजे तक कोरोना के 652 नवा मामला सामने आय हे।
उहचे 338 मरीज मन ह कोराना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि बीते 24 घंटा म इलाज के दौरान तीन मरीज मन के मौत हो गे हे।
आज जो कोरोना (corona) के नवा मरीज मिले हे, ओमा रायपुर ले 291, दुर्ग ले 77, बिलासपुर ले 49, रायगढ़ ले 41, सुकमा ले 27, बलौदाबाजार ले 25, कोरिया ले 24, राजनांदगांव अउ गरियाबंद ले 18-18, नारायणपुर ले 12, कोंडागांव अउ बीजापुर ले 9-9, बस्तर, दंतेवाड़ा अउ कांकेर ले 7-7, सूरजपुर अउ जशपुर ले 5-5, महासमुंद, जांजगीर-चांपा अउ मुंगेली ले 4-4, बालोद, धमतरी, सरगुजा अउ बलरामपुर ले 2-2, कबीरधाम ले एक मरीज शामिल हे।
बता देन कि राज्य म कोरोना (corona) संक्रमित मन के कुल संख्या ह बाढ़ के 17485 पहुंच गे हे। जेमा ले 6139 एक्टिव मामला हे।
उहचे 11185 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 161 लोगन मन के मौत हो गे हे।
No Comment! Be the first one.