Home ताजा समाचार तव क्या जिला के शिक्षा विभाग अउ नियुक्तिकर्ता अब तक सुते रिहिस...

तव क्या जिला के शिक्षा विभाग अउ नियुक्तिकर्ता अब तक सुते रिहिस हे … ..

40
0

धमतरी। जिला के शिक्षा विभाग एक के बाद एक अपन उटपटांग आदेश के कारण चरचा म बने रहिथे। अइसने एक अउ आदेश जिला शिक्षाधिकारी ह निकालिस हे। जेमा जिला के समस्त स्कूल मन म कार्यरत शिक्षक /करमचारी मन के 7 दिन के भीतर पुलिस वेरिफिकेशन करवाए के बात कहे गेहे।
शालेय शिक्षाकर्मी संघ के प्रांताध्यक्ष वीरेंद्र दुबे ह ए आदेश म नाराजगी दिखत हुए कहिस कि कोनो भी पद म नियुक्ति के पहिलि पुलिस वेरिफिकेशन कराए जाथे। ओखर बाद नियुक्ति पत्र जारी करे जाथे। तव का जिला के शिक्षा विभाग अउ नियुक्तिकर्ता अब तक ले सुते रिहिस हे। जेन मन ह बिना वेरिफिकेशन कराय नियुक्ति कर दीस। परीक्षा के बखत अइसे आदेश गलत हवय। शिक्षक परीक्षा करवाए के तैयारी करही या पुलिस थाना म जा के लाइन लगाही।
शालेय शिक्षाकर्मी संघ के प्रांतीय प्रवक्ता जितेन्द्र शर्मा ह पूरा घटनाक्रम को जानकारी देवत हुए बताइस कि लगत हे कि जिला अधिकारी मन ल खबर म बने रहे के आदत हवय। एखरे सेती अव्यवहारिक आदेश जब तब निकालत रहिथे। कछु दिन पहिलि आइसने एक अउ आदेश ले विवाद होए रिहिस हे। तब सोशल मीडिया अउ समाचार पत्र मन म जिला के किरकिरी होइस हे। जे काम नियुक्ति के समय विभाग ल करना रिहिस हे वो ला अब करत हवय। अगर नियुक्ति के समय वेरिफिकेशन नइ होइस तव ये गलत हवय अउ यदि वो बखत वेरिफिकेशन करा ले गिस हे तो फिर ले पुलिस वेरिफिकेशन के बात करना भी गलत हवय। शिक्षक मन ल परेशान करना बंद करे अधिकारी मन ह।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.