Home सियासत सतनामी समाज ल साधे बर बीजेपी ह फेंकही तुरूप के पत्ता

सतनामी समाज ल साधे बर बीजेपी ह फेंकही तुरूप के पत्ता

51
0

रायपुर। छत्तीसगढ़ ले राज्यसभा सदस्य के उम्मीदवार बर विजय गुरु के नाम सबले आगु हवय। विजय गुरु ल प्रत्याशी बनाके चुनाव ले पहिलि बीजेपी सतनामी समाज ल साधे बर सबले बड़ा कार्ड फेंक सकत हवय।
चुनाव ले पहिली भाजपा सतनामी समाज ल साधे बर विजय गुरु ल राज्यसभा भेजके सबले बड़ा कार्ड फेंक सकत हवय। विजय गुरु के अलावा चौवादास खांडेकर, गुहाराम अझगले, कृष्णमूर्ति बांधी के नाम म घलो चर्चा चलत हवय। गौरतलब हे कि भाजपा के राज्यसभा सांसद डॉ. भूषण लाल जांगड़े के सदस्यता 2 अप्रैल के समाप्त होवत हे। ए सीट बर 5 से 12 मार्च तक नामांकन दाखिल होना हे। चूंकि विधानसभा म सदस्य मन के संख्या के आधार म ए सीट म भाजपा के उम्मीदवार ल जीत कर आना तय हवय। एखर सेती निर्विरोध चुनाव होय के पूरा संभावना हवय। बीजेपी प्रदेश अध्यक्ष धरमलाल कौशिक, भाजपा के राष्ट्रीय महासचिव अउ पूर्व सांसद सरोज पांडेय के संग पूर्व संगठन मंत्री रामप्रताप सिंह के नाम अब तक सबले उपर म रिहिस हे। एखर अलावा पूर्व मंत्री कृष्णमूर्ति बांधी के नाम घलो चर्चा म हवय। हालांकि नाम फाइनल नइ किे गेहे। ध्यान दे के बात हवय कि विजय गुरु सतनामी समाज के मुखिया हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.