Home ताजा समाचार जशपुर के बेटी मन ह जीतीस नारी शक्ति पुरस्कार

जशपुर के बेटी मन ह जीतीस नारी शक्ति पुरस्कार

159
0

इनाम मिले ले नोनी मन म जागिस आत्मविश्वास
45 हजार के मासिक आय ले होवत हवय भविष्य उज्जवल
जशपुर। नगर बेटी जिन्दाबाद बेकरी ल राष्ट्रपति भवन म राष्ट्रपति रामनाथ कोविंद के हाथ ले नारी शक्ति पुरस्कार प्रदान करे गिस हे। 8 मार्च 2018 म अंतराष्ट्रीय महिला दिवस के अवसर म दिल्ली म आयोजित एक कार्यक्रम म राष्ट्रपति ह बेटी जिन्दाबाद बेकरी ल 1 लाख रुपए नगद इनाम अउ प्रमाण पत्र प्रदान करिस हे। बेटी जिन्दाबाद बेकरी शॉप अउ निर्माण यूनिट के संचालन, जशपुर के 20 नोनी मन करत हवय। येमन ह जीवन स्वसहायता समूह के बेटी जिन्दाबाद कार्यक्रम के तहत् बेकरी चलावत हवय।
महिला अउ बाल विकास विभाग के जिला कार्यक्रम अधिकारी श्रीमती नेहा राठिया ह बताइस कि ये नोनी मन ल मुख्यमंत्री कौशल विकास योजना के तहत् बेकरी के जानकारी बर दो महीना के प्रशिक्षण विज्ञान आश्रम पुणे म देय गिस हे। जेखर बाद इमन ह बेटी जिन्दाबाद बेकरी शॉप अउ निर्माण यूनिट के शुरूआत 15 अगस्त 2017 के कांसाबेल म करिस हे। ये यूनिट ह इहां के बस स्टैण्ड म एक छोटे दुकान म रिहिस हे। जेला ग्राम पंचायत के ओर ले मुहैया कराए गे रिहिस हे। राठिया ह बताइस कि इमन ल मशीन, कच्चा माल अउ अन्य आवश्यक सामान बर प्रधानमंत्री रोजगार सृजन कार्यक्रम ले 5 लाख रुपिया के करजा अउ महिला बाल विकास के छत्तीगसढ़ महिला कोष ऋण योजना म 1 लाख रुपए के सहायता राशि जीवन स्वसहायता समूह ल प्रदान करे गिस।
बेटी जिन्दाबाद बेकरी के उत्पाद के लोकप्रियता ल देखके यूनिट ल बेहतर जगह शिफ्ट कर गेहे। ये बखत बेटी जिन्दाबाद बेकरी स्टेट बैंक एटीएम, कांसाबेल के पास संचालित होवत हे। बेटी जिन्दाबाद बेकरी ह रायपुर म आयोजित राज्योत्सव 2017 अउ नवम्बर म पन्डरी म आयोजित सरस मेला म स्टॉल लगाके अपन उत्पाद ल सफलता पूर्वक बेचिस हे। बेटी जिन्दाबाद बेकरी ह अपन उत्पाद ल बेचके रोजाना 1500 रुपिय कमावत हवय। जे ह महिना के 45 हजार होथे। समूह हर माह 8,800 के किशत पटावत हवय। अब तक विगत 6 महिना म 52,800 रुपिया के करजा ल पटा चुके हवय।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.